سوناۋ توقسانىنشى جىلداردىڭ «توقىراۋ زامانى» كەزىندە اۋىل-ايماقتىڭ اجارى ازىپ, كوپتەگەن جۇمىستاردى قولعا الۋعا مۇمكىندىك بولماعانى جاسىرىن ەمەس. ول كەزدە اۋىل-ايماقتى اباتتاندىرۋ, جاقسارتۋ جۇمىستارى بىلاي تۇرسىن, ءار ادامنىڭ ءوزىنىڭ قاراباسى مەن وتباسىن اسىرۋدىڭ ءوزى قيىن بولعانىن جاسىرىپ قايتەمىز. ال قازىر شە؟ جاعدايىمىز تۇزەلىپ, ەل قاتارلى ءومىر سۇرۋدەمىز.
جالپاقتال اۋدانىمىزداعى ىرگەلى اۋىلداردىڭ ءبىرى. 5000-نىڭ ۇستىندە حالقى بار اۋىلدىڭ جاعدايى كۇن وتكەن سايىن جاقسارىپ كەلەدى. بۇگىندە ءار وتباسى ءوزىنىڭ جاعدايىن دۇرىستاۋعا وزدەرى تالپىنا باستاعانىنا شۇكىرشىلىك دەيمىز. بۇرىن ءار وتباسى ءۇي سالۋ بىلاي تۇرسىن, قورا-قوپسىسىن جوندەۋگە شامالارى كەلمەيتىن ەدى. وتكەن جىلدان بەرى اۋىل تۇرعىندارى ءوز قاراجاتى ەسەبىنەن جاڭا ءۇي سالىپ, ۇيلەرىنىڭ اۋلاسى ءتۇرلى-ءتۇستى قاڭىلتىرلارمەن قاپتالىپ جاتقانى قۋانارلىق جاعداي. ونىڭ ۇستىنە جەكە كاسىپكەرلەرىمىزدىڭ ساۋدا ءۇيىن, شاعىن دۇكەندەردى سالعانىن قوسىڭىز. سونىمەن قاتار, بىلتىرعى جىلى ءوز قاراجاتى ەسەبىنەن ايدوس سارسەنعاليەۆ مەشىت مۇناراسىن تۇرعىزىپ, ەل العىسىنا بولەندى. ال 1969 جىلعى اۋىلىمىزدىڭ ەل اعالارى مادەنيەت ءۇيىنىڭ الاڭىن جاڭارتىپ, سۋبۇرقاق, ورنەك تاستارمەن ورىلگەن جول سالعاندارىن ماقتانىش سەزىممەن ايتامىز. ناعىز ەلدىڭ پاتريوتتارى دەۋگە تۇرارلىق جاعداي. كەشكىسىن سول «اربات» بويىنا شىعا قالساڭ, بالالارىمەن دەمالىپ جۇرگەن وتباسىلارىن, بالعىن بۇلدىرشىندەردى كورگەندە قۇددى ءبىر قالادا جۇرگەندەي بولاسىڭ.
وسىنداي يگى ءداستۇر بيىل دا ءوز جالعاسىن تاپتى. مەكتەپ بىتىرگەندەرىنە 20 جىل تولعان 1977 جىلعى اۋىلىمىزدىڭ ازاماتتارى وزدەرى قاراجات جيناپ, ورتالىق ساياباقتىڭ ىشىنەن شاعىن سپورت الاڭىن سالۋدى جوسپارلاعان بولاتىن. سول جوسپارلارى ىسكە اسىپ, قازىرگى ۋاقىتتا جۇمىستارى بىركەلكى ءجۇرىپ جاتىر. ەلباسى نۇرسۇلتان نازارباەۆتىڭ حالىققا ارناعان وتكەن جىلعى جولداۋىندا بۇقارالىق سپورتتى جانداندىرۋعا بايلانىستى سپورت سالاسىنا ەرەكشە ماڭىز بەرىلدى. جاستاردىڭ بوس ۋاقىتتارىن ءتيىمدى پايدالانىپ, سالاماتتى ءومىر سالتىن ناسيحاتتاۋعا جانە تۇرعىنداردىڭ تۇراقتى تۇردە دەنەشىنىقتىرۋ جانە سپورتپەن اينالىسۋىنا بۇل يگى شارالاردىڭ اتقارار ماڭىزى زور. بۇل سپورت الاڭىنىڭ ىشىندە شاعىن فۋتبول, باسكەتبول ويىندارىن ويناۋعا جاعداي جاسالعان. سپورت الاڭىنىڭ اينالاسى قورشالىپ, جاساندى كوك شوپتەرمەن كومكەرىلەتىن بولادى.
تۋعان اۋىلىمىزعا وسىنداي الاڭ سالۋداعى باستى ماقساتىمىز جاسوسپىرىمدەردى سپورتقا باۋلىپ, ۇلت دەنساۋلىعىنىڭ ەڭ باستى كەپىلى – سالاماتتى ءومىر سالتىن قالىپتاستىرۋ. اۋىلىمىزدا وتكەن جىلى «69-جىلعىلار» اتانىپ كەتكەن ەل اعالارىنىڭ جاساعان ىستەرىن كورىپ, بىزدەر دە تۋعان جەرىمىزدىڭ كوركەيۋىنە ءوز ۇلەسىمىزدى قوسۋدى ءجون سانادىق. سپورت الاڭىن اۋىل شەتىنەن دە سالۋعا بولار ەدى, ول جەرگە جاستارىمىزدىڭ ءبىرى بارسا, ءبىرى بارا الماي, سول كۇيىندە قالۋى مۇمكىن. سوندىقتان دا ءبىز ورتالىق ساياباق ىشىنەن سالۋدى ءجون كوردىك. اۋىل جاستارى كوپ جينالىپ, ءبىرى قىدىرىپ جۇرسە, كەيبىرەۋلەرى وسى الاڭعا كەلىپ, سپورتتىق ويىندار وينايتىن بولادى. الداعى كۇندەرى بىتەتىن بولادى. وسى الاڭدا بولاشاقتا ءبىزدىڭ ۇل-قىزدارىمىز جاتتىعىپ, ناعىز سپورتشى پاتريوتتار شىعاتىنىنا كامىل سەنەمىز, دەيدى 1977 جىلى تۋعان جالپاقتال اۋىلىنىڭ ازاماتتارى.
«ەلدىڭ اتىن ەر شىعارادى» دەمەكشى, تۋعان ەلدىڭ جارقىن كەلەشەگى ءۇشىن قازىردىڭ وزىندە ۇلكەن تىرلىكتەر اتقارىپ جۇرگەن جالپاقتالدىق ازاماتتاردىڭ مۇنىسى ماقتاۋعا تۇرارلىق ءىس.
تۇراربەك اقمۋرزين.
باتىس قازاقستان وبلىسى,
قازتالوۆ اۋدانى,
جالپاقتال اۋىلى.
جالپاقتال اۋدانىمىزداعى ىرگەلى اۋىلداردىڭ ءبىرى. 5000-نىڭ ۇستىندە حالقى بار اۋىلدىڭ جاعدايى كۇن وتكەن سايىن جاقسارىپ كەلەدى. بۇگىندە ءار وتباسى ءوزىنىڭ جاعدايىن دۇرىستاۋعا وزدەرى تالپىنا باستاعانىنا شۇكىرشىلىك دەيمىز. بۇرىن ءار وتباسى ءۇي سالۋ بىلاي تۇرسىن, قورا-قوپسىسىن جوندەۋگە شامالارى كەلمەيتىن ەدى. وتكەن جىلدان بەرى اۋىل تۇرعىندارى ءوز قاراجاتى ەسەبىنەن جاڭا ءۇي سالىپ, ۇيلەرىنىڭ اۋلاسى ءتۇرلى-ءتۇستى قاڭىلتىرلارمەن قاپتالىپ جاتقانى قۋانارلىق جاعداي. ونىڭ ۇستىنە جەكە كاسىپكەرلەرىمىزدىڭ ساۋدا ءۇيىن, شاعىن دۇكەندەردى سالعانىن قوسىڭىز. سونىمەن قاتار, بىلتىرعى جىلى ءوز قاراجاتى ەسەبىنەن ايدوس سارسەنعاليەۆ مەشىت مۇناراسىن تۇرعىزىپ, ەل العىسىنا بولەندى. ال 1969 جىلعى اۋىلىمىزدىڭ ەل اعالارى مادەنيەت ءۇيىنىڭ الاڭىن جاڭارتىپ, سۋبۇرقاق, ورنەك تاستارمەن ورىلگەن جول سالعاندارىن ماقتانىش سەزىممەن ايتامىز. ناعىز ەلدىڭ پاتريوتتارى دەۋگە تۇرارلىق جاعداي. كەشكىسىن سول «اربات» بويىنا شىعا قالساڭ, بالالارىمەن دەمالىپ جۇرگەن وتباسىلارىن, بالعىن بۇلدىرشىندەردى كورگەندە قۇددى ءبىر قالادا جۇرگەندەي بولاسىڭ.
وسىنداي يگى ءداستۇر بيىل دا ءوز جالعاسىن تاپتى. مەكتەپ بىتىرگەندەرىنە 20 جىل تولعان 1977 جىلعى اۋىلىمىزدىڭ ازاماتتارى وزدەرى قاراجات جيناپ, ورتالىق ساياباقتىڭ ىشىنەن شاعىن سپورت الاڭىن سالۋدى جوسپارلاعان بولاتىن. سول جوسپارلارى ىسكە اسىپ, قازىرگى ۋاقىتتا جۇمىستارى بىركەلكى ءجۇرىپ جاتىر. ەلباسى نۇرسۇلتان نازارباەۆتىڭ حالىققا ارناعان وتكەن جىلعى جولداۋىندا بۇقارالىق سپورتتى جانداندىرۋعا بايلانىستى سپورت سالاسىنا ەرەكشە ماڭىز بەرىلدى. جاستاردىڭ بوس ۋاقىتتارىن ءتيىمدى پايدالانىپ, سالاماتتى ءومىر سالتىن ناسيحاتتاۋعا جانە تۇرعىنداردىڭ تۇراقتى تۇردە دەنەشىنىقتىرۋ جانە سپورتپەن اينالىسۋىنا بۇل يگى شارالاردىڭ اتقارار ماڭىزى زور. بۇل سپورت الاڭىنىڭ ىشىندە شاعىن فۋتبول, باسكەتبول ويىندارىن ويناۋعا جاعداي جاسالعان. سپورت الاڭىنىڭ اينالاسى قورشالىپ, جاساندى كوك شوپتەرمەن كومكەرىلەتىن بولادى.
تۋعان اۋىلىمىزعا وسىنداي الاڭ سالۋداعى باستى ماقساتىمىز جاسوسپىرىمدەردى سپورتقا باۋلىپ, ۇلت دەنساۋلىعىنىڭ ەڭ باستى كەپىلى – سالاماتتى ءومىر سالتىن قالىپتاستىرۋ. اۋىلىمىزدا وتكەن جىلى «69-جىلعىلار» اتانىپ كەتكەن ەل اعالارىنىڭ جاساعان ىستەرىن كورىپ, بىزدەر دە تۋعان جەرىمىزدىڭ كوركەيۋىنە ءوز ۇلەسىمىزدى قوسۋدى ءجون سانادىق. سپورت الاڭىن اۋىل شەتىنەن دە سالۋعا بولار ەدى, ول جەرگە جاستارىمىزدىڭ ءبىرى بارسا, ءبىرى بارا الماي, سول كۇيىندە قالۋى مۇمكىن. سوندىقتان دا ءبىز ورتالىق ساياباق ىشىنەن سالۋدى ءجون كوردىك. اۋىل جاستارى كوپ جينالىپ, ءبىرى قىدىرىپ جۇرسە, كەيبىرەۋلەرى وسى الاڭعا كەلىپ, سپورتتىق ويىندار وينايتىن بولادى. الداعى كۇندەرى بىتەتىن بولادى. وسى الاڭدا بولاشاقتا ءبىزدىڭ ۇل-قىزدارىمىز جاتتىعىپ, ناعىز سپورتشى پاتريوتتار شىعاتىنىنا كامىل سەنەمىز, دەيدى 1977 جىلى تۋعان جالپاقتال اۋىلىنىڭ ازاماتتارى.
«ەلدىڭ اتىن ەر شىعارادى» دەمەكشى, تۋعان ەلدىڭ جارقىن كەلەشەگى ءۇشىن قازىردىڭ وزىندە ۇلكەن تىرلىكتەر اتقارىپ جۇرگەن جالپاقتالدىق ازاماتتاردىڭ مۇنىسى ماقتاۋعا تۇرارلىق ءىس.
تۇراربەك اقمۋرزين.
باتىس قازاقستان وبلىسى,
قازتالوۆ اۋدانى,
جالپاقتال اۋىلى.
