تاۋەلسىزدىك كۇنى قارساڭىندا ءوتىپ جاتقان تۋرنير «الاش ارىستارىن» ەسكە الۋعا ارنالعان.
ءتۋرنيردىڭ ماقساتى جاس سپورتشىلار مەن سپورت سۇيەر قاۋىم اراسىندا ەلىمىزدىڭ تاۋەلسىزدىك تاريحىن, «الاش ارىستارىنىڭ» وتانىمىزدىڭ الدىنداعى ەڭبەكتەرىن ناسيحاتتاۋ, بۇگىنگى جەتىستىكتەرىمىزدى باياندى ەتۋ جولىندا ەلىمىزدىڭ بولاشاق دامۋىنداعى ەلدىك, وتاندىق مۇراتتار مەن قاسيەتتەردى جاستارىمىزدىڭ بويىنا ءسىڭىرۋ, جاستاردى وتانسۇيگىشتىك پەن سالاۋاتتى ءومىر ءسۇرۋ سالتىنا شاقىرۋ بولماق. تۋرنير 2007-2012 جىلدارى تۋعان جاستار مەن جاسوسپىرىمدەر اراسىندا وتەدى.
باسەكەگە رەسەي, وزبەكستان, تاجىكستان, قىرعىزستان ەلدەرىنىڭ سپورت كلۋبتارى دا قاتىسادى.
تۋرنير 16 جەلتوقسان ساعات 11:00-دە رەسمي تۇردە اشىلادى. ال 18 جەلتوقسان كۇنى ساعات 14:00-دە جەڭىمپازداردى ماراپاتتاۋ ءراسىمى وتەدى.
