ەلوردالىق تىلدەردى جانە مۇراعاتتاردى دامىتۋ باسقارماسىنىڭ باسشىسى ساكەن ەسىركەپتىڭ ايتۋىنشا, ونوماستيكالىق كوميسسيانىڭ وتىرىسىندا ەلوردانىڭ جاڭا اۋدانىنا اتاۋ بەرۋدىڭ ەكى نۇسقاسى تاڭدالدى. ولار نۇرا جانە قاراوتكەل.
ء«بىز ساراپشىلارمەن بىرنەشە رەت كەزدەسۋلەر وتكىزىپ, بىرقاتار نۇسقانى تالقىلاپ, ونوماستيكالىق كوميسسيانىڭ وتىرىسىنا ەكى نۇسقانى ۇسىندىق. ءبىرىنشى نۇسقا - نۇرا, بۇل اقمولا جانە قاراعاندى وبلىستارىنداعى وزەن. ەكىنشى نۇسقا - قاراوتكەل. ءبىز جاڭا اتاۋدىڭ وڭاي ايتىلۋ مەن جاعىمدى قابىلدانۋىنا نازار اۋداردىق. بىراق قازاق گرامماتيكاسى بويىنشا قاتار تۇرعان ەكى داۋىستى دىبىس ءسوزدىڭ ايتىلۋىن قيىنداتادى. سوندىقتان نۇرا نۇسقاسىن ۇسىنىپ وتىرمىز», دەدى ساكەن ەسىركەپ.
ءوز كەزەگىندە ەلوردا ءماسليحاتىنىڭ حاتشىسى ەرلان كاناليموۆ جاڭا اۋدان اكىمدىگىنىڭ اپپاراتىن قۇرۋعا 390 ملن تەڭگە قاراستىرىلعانىن ايتتى. سونداي-اق ول نۇرسۇلتان نازارباەۆ حالىقارالىق اۋەجايىنىڭ اۋماعى ەسىل اۋدانىنا قارايتىنىن اتاپ ءوتتى.
