«ۇلەسكەرلەرمەن كەزدەسۋدى ءارى قاراي جالعاستىرامىن. بۇگىن تاعى 5 كوپپاتەرلى تۇرعىن ءۇي كەشەنىنىڭ ۇلەسكەرلەرىمەن كەزدەستىم. ولاردىڭ قاتارىندا «كورگالجينسكي كۆارتال», «كومسومولسكي», «شىعىس 4-1», «تۇران-سىعاناق» تۇرعىن ءۇي كەشەندەرىنىڭ ۇلەسكەرلەرى, سول سياقتى «ناش دوم انيسا» تۇرعىن ءۇي كووپەراتسياسىنىڭ وكىلدەرى بار.
اتالعان كوپپاتەرلى تۇرعىن ءۇي كەشەندەرىندەگى ۇلەسكەرلەردىڭ جالپى سانى - شامامەن 1,5 مىڭ ادام. جىلدار بويى تۇرعان ۇيلەردىڭ جاي-كۇيى ءارتۇرلى. بىرىندە جاقتاۋى عانا كوتەرىلگەن, ال ەندى بىرىندە ىرگەتاسى عانا تۇر. ماسەلەن «شىعىس 4-1» تۇرعىن ءۇي كەشەنىنىڭ كەيبىر بلوكتارى تەك ىرگەتاسى كۇيىندە عانا تۇر», دەپ جازدى اكىم وزىنىڭ Instagram پاراقشاسىندا.
سونداي-اق كەزدەسۋ بارىسىندا ۇلەسكەرلەر ءتۇرلى پروبلەمالاردى قوزعادى. ول ماسەلەلەردىڭ قاتارىندا ءۇيدىڭ قۇرىلىسى, ينجەنەرلىك جەلىلەر, سول سياقتى اباتتاندىرۋ, قۇجاتتاما جانە ت.ب. بار. اكىم قۇرىلىس قارقىنىن ارتتىرۋدى تاپسىردى.
«قۇرىلىسى ۇزاققا سوزىلعان 51 نىساننىڭ ىشىندە وسىعان دەيىن 36 نىساننىڭ پروبلەمالارى شەشىلدى. قالعان 15 نىساننىڭ 7-ەۋىن الداعى ايلاردا اياقتايمىز, 8 نىسان 2023 جىلى اياقتالادى», دەپ جازدى اكىم.
قالا اكىمى مۇنداي كەزدەسۋلەردى بارلىق ۇلەسكەرمەن, سول سياقتى قالانىڭ ەلدى مەكەندەرى مەن اۋداندارىنىڭ تۇرعىندارىمەن جەكە كەزدەسۋ ۇيىمداستىراتىنىن اتاپ ءوتتى.
