دەپۋتاتتىڭ ايتۋىنشا, قازاقستان التىن ءوندىرۋ بويىنشا الەمنىڭ توپ-20 ەلىنىڭ قاتارىنا كىرەدى. بىراق زەرگەرلىك وتاندىق وندىرىسكە التىننىڭ نەگىزگى جەتكىزۋشىلەرى – لومباردتار مەن كولەڭكەلى نارىق قاتىسۋشىلارى ەكەنىن ايتتى.
«رەسمي ستاتيستيكاعا سايكەس, 2021 جىلى ەلدىڭ زەرگەرلىك بۇيىمدار نارىعى $ 76 ملن قۇرادى, ونىڭ تەك $ 4 ملن, ياعني 5%-ى عانا وتاندىق زەرگەرلىك بۇيىمدار وندىرۋشىلەرى وندىرگەن. قازاقستان زەرگەرلەر ليگاسىنىڭ باعالاۋى بويىنشا زەرگەرلىك بۇيىمدار نارىعى 90% كونترافاكتىلىك جانە كونتراباندالىق بۇيىمداردان تۇرادى», دەدى عۇمار دۇيسەمباەۆ.
سەناتور ەلىمىزدىڭ زەرگەرلىك ونەركاسىبىن دامىتۋعا, ياعني جاڭا جۇمىس ورىندارىن اشۋعا جانە بيۋدجەت تۇسىمدەرىنىڭ وسۋىنە باعىتتالعان بىرقاتار ۇسىنىس ايتتى.
«وسى ورايدا جۇمىستى كولەڭكەلى يمپورتقا قارسى كۇرەستى كۇشەيتۋ جانە كونتراباندانى شەكتەۋ, قارجىلىق جانە قارجىلىق ەمەس ىنتالاندىرۋ شارالارىن ەنگىزۋ ارقىلى قازاقستاندىق زەرگەرلىك سالانىڭ باسەكەگە قابىلەتتىلىگىن ارتتىرۋ, لومباردتاردىڭ پايدالانۋدا بولعان زەرگەرلىك بۇيىمداردى تەك قانا ىشكى نارىققا وتكىزۋىن مىندەتتەۋ, وتاندىق زەرگەرلەردىڭ قۇزىرەتىن كۇشەيتۋدى ۇسىنامىن», دەدى دەپۋتات.
