سۋرەتتەردى تۇسىرگەن مەرەي قاينار ۇلى
قولايسىز اۋا رايىنا بايلانىستى بۇگىن وسكەمەن مەن گلۋبوكوە اۋدانىنداعى ورتا مەكتەپتەردەگى بارلىق سىنىپتاردا ساباقتى قاشىقتان وقىتۋعا كوشىرىلدى.
قوعامدىق كولىكتەردىڭ قاتىناۋى دا قيىنداعان. ال, ايالدامالاردىڭ كوبىن قار باسىپ جاتىر. جولداعى قار ءالى تولىق تازالانباعاندىقتان, كەيبىر اۆتوبۋس جۇرگىزۋشىلەرى بۇگىن رەيسكە شىعۋدان باس تارتقان.
قارعا قامالعان تۇرعىندار جۇمىستارىنا كەشىكتى. اۋلالار قاردان تولىعىمەن تازالانعان جوق ءالى. وسكەمەن – التاي باعىتىنداعى كۇرە جولعا شەكتەۋلەر ەنگىزىلدى.
– بۇگىن بىزدە قانشاما جۇرگىزۋشىلەر شىققان جوق. ويتكەنى ونىڭ ءبارى جاسقانادى. جولعا سىيمايسىڭ. جول تار. ايالدامادا اينالا المايسىڭ, – دەيدى اۆتوبۋس جۇرگىزۋشىسى بولات مۇسەكەنوۆ.
«تازا وسكەمەن» كمك ديرەكتورى اسحات تاجەنوۆتىڭ ايتۋىنشا, سوڭعى 2 اپتادان بەرى قار كۇن ارا تولاسسىز جاۋدى. ال كەشەدەن بەرى ونىڭ قالىڭدىعى ءبىر مەترگە جەتتى. ءدال مۇنداي قار 5-6 جىل بۇرىن بولعان. سوندىقتان, ءتورت-بەس جىلدا ءبىر رەت كوپ تۇسەتىن قار ءۇشىن تەحنيكانىڭ سانىن كوبەيتۋ ءتيىمسىز. تۇرعىندار ءسال شىدامدىلىق تانىتسا ءبىر-ەكى كۇندە ءبارى رەتتەلەدى.
