14 جەلتوقسان كۇنى ساعات 13.00 شاماسىندا قاراعاندى وبلىسى تەمىرتاۋ قالالىق توتەنشە جاعدايلار باسقارماسىنا بەلگىسىز بالا «20 مەكتەپتى جانە وندا بار بارلىق ادامداردى جارامىن» دەپ مالىمدەگەن.
بىردەن وقيعا ورنىنا ساپەرلەر مەن بارلىق جەدەل قىزمەتتەر جىبەرىلگەن. پوليتسيا قىزمەتكەرلەرى مەكتەپتەن بارلىعى 500 ادام, ياعني مۇعالىمدەر مەن وقۋشىلاردى ەۆاكۋتسيالادى. سونداي-اق مەكتەپتىڭ اينالاسى پوليتسيا قىزمەتكەرلەرىمەن قورشاۋعا الىندى. ءبىلىم بەرۋ مەكەمەسىنە جۇرگىزىلگەن تەكسەرۋ جۇمىستارى بارىسىندا ونىڭ ىشىنەن ەشقانداي جارىلعىش زات انىقتالعان جوق.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 273-بابىنا (تەرروريزم اكتىسى تۋرالى كورنەۋ جالعان حابارلاۋ) سايكەس سوتقا دەيىنگى تەرگەۋ باستالدى.
تەمىرتاۋ قالالىق پوليتسيا باسقارماسى ەكسترەميزمگە قارسى كۇرەس ءبولىمى قىزمەكتەرلەرىمەن جۇرگىزىلگەن كەشەندى ءىس-شارالار بارىسىندا سول مەكتەپتە وقيتىن 12 جاستاعى وقۋشى انىقتالدى. ول ۇيىنە ەرتە كەتۋ ءۇشىن مەكتەپتە جارىلعىش زات بار دەپ حابارلاعان.
