ءاليحان سمايىلوۆ مەملەكەت باسشىسىنىڭ سايلاۋالدى باعدارلاماسىن ىسكە اسىرۋ جونىندەگى ءىس-قيمىل جوسپارىنىڭ ءىس-شارالارىن مينيسترلىكتەردىڭ سالالىق تۇجىرىمدامالارى مەن دامۋ جوسپارلارىنا قوسۋدى تاپسىردى.
ودان بولەك, ۇكىمەت باسشىسى مەملەكەتتىك باسقارۋ دەڭگەيلەرى اراسىندا فۋنكتسيالاردى قايتا ءبولۋ ارقىلى زاڭنامالىق اكتىلەردى جۇيەلى تەكسەرۋدى اياقتاۋ, قازىرگى سىن-قاتەرلەردى ەسكەرە وتىرىپ, ينفلياتسيانى باقىلاۋ جانە تومەندەتۋ جونىندەگى شارالار كەشەنىن جاڭارتۋ جانە ءبىر اي مەرزىمدە حالىقتىڭ تابىسىن ارتتىرۋ باعدارلاماسىن وزەكتەندىرۋ قاجەتتىگىن اتاپ ءوتتى.
سونىمەن قاتار پرەمەر-مينيستر «قاراپايىم زاتتار ەكونوميكاسى» باعدارلاماسى اياسىندا سىياقى مولشەرلەمەلەرىن سۋبسيديالاۋ مەرزىمىن 7 جىلعا دەيىن ۇزارتۋ مۇمكىندىگىن قاراستىرۋ, تۇتىنۋشىلىق كرەديت بەرۋ كولەمىن قىسقارتۋ شارالارىن ازىرلەۋ جانە ۇلتتىق قوردان ترانسفەرتتەردى بىرتىندەپ تومەندەتۋدى قامتاماسىز ەتۋ كەرەكتىگىن ايتتى.
وعان قوسا, بيۋدجەتتەۋ تاسىلدەرىن ودان ءارى جەتىلدىرۋ, ورتالىق جانە جەرگىلىكتى اتقارۋشى ورگانداردىڭ ءبىرىنشى باسشىلارىنا كوبىرەك دەربەستىك بەرۋ, سونداي-اق ەكونوميكانى دەموپوليزاتسيالاۋ جونىندەگى ۆەدومستۆوارالىق كوميسسيانىڭ جۇمىسىن كۇشەيتۋ بويىنشا جۇمىس جۇرگىزىلۋى ءتيىس.
ءاليحان سمايىلوۆ زاڭ بۇزۋشىلىقپەن بەرىلگەن كەن ورىندارىن مەملەكەت مەنشىگىنە قايتارۋ جونىندە شارالار قابىلداۋ, كارىز-تازارتۋ قۇرىلىستارىن سالۋ جانە جاڭعىرتۋ جونىندەگى جوبالاردى ىسكە اسىرۋدى جەدەلدەتۋ, رەسپۋبليكاداعى ءاربىر جەو-نىڭ جاي-كۇيىن كەشەندى قاراۋ جانە الماتىدا جەو-2 جانە جەو-3 ءۇشىن قاجەتتى گاز ينفراقۇرىلىمىن جۇرگىزۋ جونىندەگى جۇمىستى جانداندىرۋ قاجەتتىگىنە نازار اۋداردى.
سونىمەن قاتار پرەمەر-مينيستر اۋىل شارۋاشىلىعى مينيسترلىگىنە مەملەكەت مەنشىگىنە قايتارىلعان اۋىل شارۋاشىلىعى جەرلەرىنىڭ اشىق تسيفرلىق كارتاسىن جاساۋدى تاپسىردى. ولاردى ءبولۋ تەتىگى ايقىن بولۋى كەرەك. ال وڭىرلەردىڭ اكىمدەرىنە ولاردى شەشۋدىڭ ناقتى الگوريتمدەرىن ازىرلەي وتىرىپ, تۇرعىندار تاراپىنان تۋىندايتىن پروبلەمالىق ماسەلەلەرگە ۋاقىتىلى مونيتورينگ جۇرگىزۋدى قامتاماسىز ەتۋ تاپسىرىلدى.
