سانالى عۇمىرىن بي ونەرىنە سارپ ەتكەن ساڭلاق ءاربىر قويىلىمىن تەرەڭ وي ەلەگىنەن وتكىزىپ, ابدەن ءپىسىپ-جەتىلگەن سوڭ عانا كورەرمەنىنە ۇسىناتىن-دى. جان-تانىمەن سۇيەتىن كاسىبىنىڭ ءارى پاتشاسى, ءارى ق ۇلى ىسپەتتى بالەتمەيستەر «كورەرمەننىڭ الدىندا قاتەلەسۋگە حاقىم جوق» دەپ سانادى. كورەرمەنى دە ونىڭ وسى جانكەشتىلىگى ءۇشىن ەرەكشە قۇرمەتتەپ, ونەرىن جوعارى باعالادى. بولات عازيز ۇلىنىڭ ۇلتتىق ونەردەگى جۇلدىزى ۋاقىت وتكەن سايىن جارقىراي تۇسەتىنى ايقىن.
قۇبىلىسقا اينالعان تۇلعا كلاسسيكالىق ونەر مەن ۇلتتىق مۋزىكانىڭ تەرەڭ ۇندەستىگى بار ەكەنىن ءجيى ايتاتىن. «بي مەن كۇي – جۇرەك سىرى» دەيتىنى دە سول عوي ماەسترونىڭ.
ءبىز بۇگىن بولات ايۋحانوۆتىڭ اسقاق ونەرىن قادىرلەگەن تالعامپاز جۇرتىنا, شاكىرتتەرى مەن ارىپتەستەرىنە, اعايىن-تۋعاندارىنا قايعىرىپ كوڭىل ايتامىز. تالانتتى شاكىرتتەرى بار كەزدە ايۋحانوۆ مەكتەبى جالعاسا بەرەتىنىنە يمانىمىز كامىل.
