فورۋمدا جاستار كوتەرگەن باستى ماسەلە – اۋىل جۇرتشىلىعىنىڭ قازىرگى تۇرمىس-تىرشىلىگى. ولار «اۋىل-ايماق گۇلدەنىپ, قالالىق دەڭگەيگە دەيىن وركەندەۋى قاجەت», دەيدى.
– جاستار اۋىلدىڭ تۇرمىسىن تۇزەپ, دامىتۋ كەرەك دەيدى. ارينە, بۇل ورىندى پىكىر. بىراق اۋىلدىڭ وزىندىك ەرەكشەلىگىن جوعالتۋعا بولمايدى. ەگەر ولاي ىستەسەك, ونداعى جاقسى ۇردىستەردەن ايىرىلىپ قالامىز. قايماعى بۇزىلماعان اۋىلداردى ساقتاپ قالۋ ماڭىزدى. جاس بۋىننىڭ ايتۋىنشا, اۋىلداردا ەسكى جۇيەنىڭ ەكپىنى سەزىلەدى. سودان قۇتىلۋ كەرەك شىعار دەيدى. شىن مانىندە ويلاناتىن نارسە, – دەدى «اۋىل» پارتياسى توراعاسىنىڭ ورىنباسارى اناس باققوجاەۆ.
سونىمەن قاتار جاڭا بۋىن وكىلدەرى ينفراقۇرىلىم, اۋىل جاستارىن دامىتۋ جانە قولداۋ, ەلىمىزدە وڭتايلى جاستار ساياساتىن قالىپتاستىرۋ, ەلدى مەكەندەردە سپورتتى دامىتۋ ماسەلەلەرىن ءسوز ەتتى. ماسەلەن, ولار دەنەشىنىقتىرۋ مۇعالىمدەرىنىڭ جالاقىسىن ءوسىرىپ, اقشا ەسەلەگەننەن گورى بارلىق قۇرال-جابدىعى بار سپورت ورتالىعىن قارجىلاندىرۋ قاجەت, دەگەن پىكىر ءبىلدىردى.
فورۋمدا پارتيا توراعاسى ءالي بەكتاەۆ مەملەكەتتىك شەشىمدەر قابىلداۋدا جاستار پىكىرىنىڭ ماڭىزدىلىعىن اتاپ ءوتتى.
وسى ۋاقىت ىشىندە اۋىل جاستارى ەلدىڭ قوعامدىق-ساياسي ومىرىنە بەلسەندى قاتىسا باستادى. بيىلعى فورۋمنىڭ ەرەكشەلىگى, جاستار مەملەكەت باسشىسى قاسىم-جومارت توقاەۆ ۇسىنعان اۋىلدىق اۋماقتاردى دامىتۋ تۇجىرىمداماسى تۋراسىندا ءوز ۇسىنىستارى مەن يدەيالارىن ۇسىندى, – دەدى ءا.بەكتاەۆ.
ءىس-شاراعا اۋىلدا ءىسىن دوڭگەلەتىپ وتىرعان بيزنەس وكىلدەرى دە قاتىستى. مەديتسينالىق تاۋارلار وندىرۋمەن اينالىساتىن جاس عالىم, كاسىپكەر الماس مۇحامەتوۆ اۋىلدا بيزنەستى دامىتۋ ءتيىمدى ءارى ماڭىزدى دەيدى. قازىر ول مەديتسينالىق بۇيىمدار شىعارىپ, الماتى وبلىسىنداعى اۋىل تۇرعىندارىن جۇمىسپەن قامتىپ جاتىر. سونداي-اق اقمولا وبلىسىنىڭ تسەلينوگراد اۋدانىنا قاراستى پريرەچەنكا اۋىلدىق وكرۋگىنىڭ جاس اكىمى مەيىرحات ءجاندىلدين اۋىلدى باسقارۋ تاجىريبەسىمەن ءبولىستى. ال ستۋدەنتتىك ومبۋدسمەن ايسۇلۋ ەرنيازوۆا اۋىل جاستارىنىڭ جوعارى بىلىمگە تەڭ قولجەتىمدىلىگىن قامتاماسىز ەتەتىن باعدارلامالاردى ورتاعا سالدى.
فورۋمعا قاتىسۋشىلار بۇدان بۇرىن «ديپلوممەن – اۋىلعا!» مەملەكەتتىك باعدارلاماسىنا وزگەرىستەر ەنگىزۋ قاجەتتىگى تۋرالى «اۋىل» پارتياسى ۇسىنعان ۇسىنىستارىن قولدادى. «جاستاردىڭ بارلىق ۇسىنىسى الداعى ۋاقىتتا پارتيانىڭ باعدارلامالىق قۇجاتتارىنا اينالادى», دەدى پارتيا باسشىلىعى.
