8 ماۋسىمدا ەلىمىزدە جەڭىل ونەركاسىپ قىزمەتكەرلەرىنىڭ كۇنى اتالىپ وتەدى

استانا. 5 ماۋسىم. الداعى 8 ماۋسىمدا ەلىمىزدە جەڭىل ونەركاسىپ قىزمەتكەرلەرىنىڭ كۇنى اتالىپ وتەدى. وسى اتاۋلى كۇنگە بايلانىستى بۇگىن ەلوردادا «استانا قالاسى قازاق ساڭىراۋلار قوعامىنىڭ وقۋ-وندىرىستىك كاسىپورىنى» مەكەمەسىندە سالا  قىزمەتكەرلەرىن قۇتتىقتاۋ شاراسى بولدى. بۇل تۋرالى egemen.kz ءتىلشىسى حابارلادى. قۇتتىقتاۋ جيىنىنا يندۋستريا جانە جاڭا تەحنولوگيالار مينيسترلىگى ونەركاسىپ كوميتەتىنىڭ توراعاسى باقتىباي قاسىمبەكوۆ قاتىسىپ, سالاعا ەڭبەگى سىڭگەن قىزمەتكەرلەردى ماراپاتتادى. وسىدان ءۇش جىل بۇرىن ەلباسىنىڭ جارلىعىمەن بەكىتىلگەن «جەڭىل ونەركاسىپ قىزمەتكەرلەرى كۇنى» وسى ماۋسىم ايىنىڭ ەكىنشى جەكسەنبىسى بولىپ بەلگىلەنگەن ەدى. ودان ءبىر جىل بۇرىن ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ اياسىندا جەڭىل ونەركاسىپتى وركەندەتۋ باعدارلاماسى دا جاسالىپ, ماقساتتى جۇزەگە اسىرىلا باستاعانى ءمالىم. كوميتەت توراعاسى ەلدەگى جەڭىل ونەركاسىپ سالاسىنىڭ دامۋ ۇردىستەرى تۋرالى اڭگىمەلەپ, يندۋستريالاندىرۋ باعدارلاماسىنىڭ العاشقى بەس جىلدىعىندا اتقارىلعان ءىس-شارالارعا توقتالدى. قازىرگى ۋاقىتتا رەسپۋبليكادا 1,5 مىڭنان استام جەڭىل ونەركاسىپ كاسىپورىندارى جۇمىس ىستەيدى, ونىڭ 97 پايىزىن شاعىن جانە ورتا كاسىپورىندار قۇرايدى. ولاردا نەگىزىنەن نازىك جاندىلار جۇمىس ىستەيدى ەكەن. رەسپۋبليكادا 800 مىڭنان استام شاعىن جانە ورتا كاسىپورىندار جۇمىس ىستەسە, وندا 2,4 ملن. ادام ەڭبەك ەتەدى. اتالعان سەكتوردا ءوندىرىس كولەمى سوڭعى 4 جىلدا 1,6 ملرد. تەڭگەدەن 8,3 ملرد. تەڭگەگە دەيىن وسكەن. مەرەكەلىك شارادا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆتىڭ العىس حاتتارىمەن سالانىڭ 18 قىزمەتكەرى, ال ءوندىرىس كوميتەتى توراعاسىنىڭ العىس حاتتارىمەن 35 جۇمىسكەر ماراپاتتالدى. نۇرباي ەلمۇراتوۆ. دەرەككوز: egemen.kz. فوتو: alashainasy.kz.