نۇروتاندىقتار جاستارعا ەۋرازيالىق ينتەگراتسيانىڭ ماڭىزىن ءتۇسىندىردى

استانا. 5 ماۋسىم. ەۋرازيالىق ينتەگراتسيانىڭ ماڭىزىن تۇتاس ەل, بارلىق ماماندىق يەلەرى جەتە ءتۇسىنۋى كەرەك. «نۇر وتان» پارتياسىنىڭ مۇشەلەرى وسىنداي پىكىردە. بۇل تۋرالى «24kz» حابارلادى. «نۇر وتان» پارتياسىنىڭ قوستاناي وبلىستىق فيليالى جانىنان قۇرىلعان جەدەل توپ مۇشەلەرى ستۋدەنتتەرمەن كەزدەسۋ وتكىزدى. قوستاناي مەديتسينالىق كوللەدجىندە ۇيىمداستىرىلعان بۇل جيىندا ەكونوميستەر مەن باسقا دا سالا ماماندارى ەۋرازيالىق ينتەگراتسيانىڭ باستى باعىتتارى جايلى اڭگىمەلەپ بەردى. نۇروتاندىقتار الەمدىك نارىقتاعى باسەكەلەستىككە توتەپ بەرۋ ءۇشىن ينتەگراتسيا جولىنا ءتۇسۋدىڭ ماڭىزى زور دەپ ەسەپتەيدى. ولاردىڭ پىكىرىنشە, اۋىلشارۋاشىلىعى, ونەركاسىپ, ەنەرگەتيكا سالالارىن وركەندەتۋ ءۇشىن ەلىمىزگە سەنىمدى سەرىكتەستەر قاجەت. بۇدان بولەك, ولار قۇرلىقتىق جانە سۋ جولدارى تاسىمالىنىڭ اشىلۋى وتاندىق ەكونوميكاعا سەرپىن بەرەدى دەپ سانايدى. جولدىباي بازار. دەرەككوز: «24kz». فوتو: dmk.kz.