«نەگىزگى تاعام ونىمدەرىنىڭ قىمباتتاۋى ينفلياتسيانىڭ وسۋىنە سەبەپ بولىپ جاتىر. ازىق-ت ۇلىك ينفلياتسياسى 24 پايىزدان استى. تۇرعىنداردىڭ اقشالاي تابىسىنىڭ ءوسۋ قارقىنى سوڭعى 5 جىلداعى ەڭ تومەن دەڭگەيدە تۇر.
ەلىمىزدە قاعاز جۇزىندە جۇمىس ىستەيتىن, ۋاقىتشا جۇمىس ىستەمەيتىن, ءوزىن-ءوزى ناتيجەسىز جۇمىسپەن قامتىعان جانە جۇمىسسىز دەپ كورسەتىلگەن 900 مىڭعا جۋىق ادام بار. نەگىزگى قۇجات – حالىقتىڭ تابىسىن ارتتىرۋ باعدارلاماسى. ونى قازىرگى جاعدايلارعا سايكەستەندىرۋ كەرەك», دەدى قاسىم-جومارت توقاەۆ.
سونداي-اق ول وندىرىستىك جاراقاتتاردىڭ ناعىز پروبلەماعا اينالعانىن دا جاسىرمادى. ونىڭ ايتۋىنشا, بيىل ءوندىرىس ورنىندا 1124 جۇمىسشى جاراقات الىپ, ونىڭ 157-ءسى قايتىس بولعان.
«ارسەلورميتتال تەمىرتاۋ» كاسىپورىنىندا 2006 جىلدان بەرى 20-دان استام جازاتايىم وقيعا بولىپ, 100-دەن استام ازاماتىمىز قازا تاپتى. بيىلدىڭ وزىندە 14 ادام قايتىس بولدى, ونىڭ ىشىندە 1 جۇمىسشى وتكەن اپتادا كوز جۇمدى. مەملەكەتتىك ورگاندار مەن قوعامدىق ۇيىمداردىڭ حابارلامالارىنا سايكەس, كومپانيا ەڭبەك, ەكولوگيا جانە سالىق زاڭدارىن بۇزىپ, ينۆەستيتسيالىق مىندەتتەمەلەردى ورىندامايدى. قوعام ءادىل ءارى شۇعىل شارالار كۇتۋدە. سوندىقتان بۇل جاعدايدى پرەمەر-مينيستر ءوز باقىلاۋىنا السىن», دەدى پرەزيدەنت.
