ەۋرازيالىق ەكونوميكالىق وداق ەلىمىزدى دامۋدىڭ داڭعىل جولىنا باستايدى

استانا. 5 ماۋسىم. ەۋرازيالىق ينتەگراتسيا ۇدەرىسى ەنەرگەتيكا سالاسىنىڭ وركەندەۋىنە ەرەكشە باسىمدىق بەرەدى. بۇل تۋرالى egemen.kz ءتىلشىسى حابارلادى. قا­زاقستان مەن رەسەي اراسىنداعى ەكونوميكالىق بايلانىستار جىل سايىن ارتىپ كەلەدى. اسىرەسە, ەنەرگەتيكا, عارىش, مادە­ني-گۋ­مانيتارلىق سالالار بويىنشا ارىپتەستىك جاقسى جولعا قويىلعان. ماسەلەن, «ەۋر­ازيالىق ەنەرگەتيكالىق كور­پوراتسيا» اكتسيونەرلىك قوعامى رەسەيلىك سەرىكتەستەرىمەن تىعىز بايلانىس ورناتقان. «ەۋرازيالىق ەنەرگەتيكالىق كورپوراتسياسى» اق پرەزيدەنتى ابدۋازيم رۋستامباەۆ: «ينتەگراتسيا – ۋاقىت قاجەتتىلىگى. الەمدىك ەكونوميكاعا كوسىلۋ, ورتاق نارىقتا شىڭدالۋ بارلىق ەلدەر ءۇشىن دە ماڭىزدى. وسى تۇرعىدان كەلگەندە مەملەكەت باسشىسى نۇرسۇلتان نازار­باەۆ ەلىمىزدىڭ الدىنا بيىك ماق­ساتتار قويدى. ياعني, ەۋرازيالىق ەكونوميكالىق وداق قۇرۋ ارقىلى ەۋرازيالىق ينتەگراتسيا جولىنا ءتۇسۋ ءبىزدىڭ ەلىمىز ءۇشىن جاڭا تاريحي ۇدەرىستىڭ باستاۋىنا اينالدى», – دەدى. ابدۋازيم رۋستامباەۆتىڭ ايتۋىنشا, قازىرگى كەزدە «ەۋرازيالىق ەنەر­گە­تيكالىق كورپوراتسيا» اكتسيونەرلىك قوعامى ءماس­كەۋدەن باستاپ, سانكت-پەتەر­­بۋرگ, سىزران, بەلگورود, ەكاتە­رين­­بۋرگ, پودولسك, چەبوكسارى جانە باسقا قالالاردىڭ زاۋىتتارىمەن وندىرىستىك سەرىكتەستىك بايلانىستا. ولاردىڭ اراسىندا ءتۇرلى جابدىقتار جاسايتىن ۋرال زاۋىتى, «تياجماش» ااق, «بەلەنەرگوماش» ااق, «ەمەرسون» جشق, «موسەلەكتروششيت» ااق, «الستوم پاۋەر ستاۆان» جاق, «نپو «ەلسيب» ااق بار. ەستەرىڭىزگە سالا كەتەيىك, «ەۋر­ازيالىق ەنەرگەتيكالىق كور­پوراتسيا» اكتسيونەرلىك قوعامى ENRC قۇرامىنداعى (ERG ەنشىلەس كومپانياسى) ەلەكتر ەنەرگيا­سىمەن جابدىقتاۋشى ءىرى كاسىپ­ورىن­داردىڭ ءبىرى. ەلى­مىزدە وندىرىلەتىن ەلەكتر ەنەر­گياسىنىڭ 17 پايىزى وسى كومپانيانىڭ ۇلەسىندە. جولدىباي بازار. دەرەككوز: egemen.kz. فوتو: Ortcom.kz.