وسكەمەن كوندەنساتور زاۋىتى ءۇشىن رەسەي نارىعى ءتيىمدى

استانا. 5 ماۋسىم. ەۋرازيالىق ەكونوميكالىق وداق اياسىندا ەلىمىزدەگى ءىرى كاسىپورىنداردىڭ ەڭبەك ونىمدىلىگى ارتا تۇسپەك. وسى ءوندىرىس ورىندارىنىڭ قاتارىندا «وسكەمەن كوندەنساتور زاۋىتى» اكتسيونەرلىك قوعامى دا بار. بۇل تۋرالى egemen.kz ءتىلشىسى حابارلادى. قازىر اتالعان كاسىپورىننىڭ ەڭ ۇلكەن نارىعى رەسەي فەدەراتسياسى بولىپ وتىر. بۇل زاۋىت رەسەيدىڭ بىرقاتار اككرەديتاتسيالىق كۋا­لىكتەرى مەن سەرتيفيكاتتارىن العان. سونداي-اق, ول 2004 جىلى نيدەرلاندىنىڭ كەما سەرتيفيكاتىن دا يەلەنگەن. «وسكەمەن كوندەنساتور زاۋىتى» اكتسيونەرلىك قوعامىنىڭ باس ديرەكتورى ۆلاديمير اكسەنەۆ: «ەۋرازيالىق ەكونوميكالىق ينتەگراتسيانىڭ پايداسى جوعارى بولادى دەپ ۇمىتتەنەمىز. ءبىز ءوز ءونىمىمىزدى رەسەيگە ۇنەمى تاسىمالداپ كەلەمىز. سەبەبى, كەڭەس وداعى كەزىندە كوندەنساتور جانە كوندەنساتور قۇرىلعىلارىن وندىرۋمەن اينالىساتىن جالعىز كاسىپورىن بولدىق. سوندىقتان الىس جانە جاقىن شەتەلدەرگە ءوز ونىمدەرىمىزدى تاسىمالدادىق. ءبىزدىڭ ءونىمىمىز 25 الىس شەتەلگە جىبەرىلەتىن. كەڭەس وداعى ىدىراعان سوڭ زاۋىت ونىمدەرىن تمد ەلدەرى اۋماعىنا شىعارۋ جولعا قويىلدى. ءوندىرىس ءونىمىنىڭ جالپى كولەمى وتكەن جىلى 1 ميلليارد 820 ميلليون تەڭگەنى قۇرادى. بۇگىندە زاۋىتتا 390 ادام جۇمىسپەن قامتىلىپ وتىر. ءونىمدى رەسەي, ۋك­راي­نا, بەلارۋس, وزبەكستان جانە قىر­عىزستان ەلدەرىنە تاسىمالدايمىز. اسىرەسە, رەسەي ءبىز ءۇشىن ۇلكەن نارىق بولىپ وتىر», – دەدى. جولدىباي بازار. دەرەككوز: egemen.kz. فوتو:tdnovatek.kz.