ينفوگرافيكانى جاساعان امانگەلدى قياس, «ەQ»
كەلەسى جىلدان باستاپ جاستار 2,5 پايىزدىق مولشەرلەمەمەن نەسيە الا الادى. قازىر ۇكىمەت مەملەكەت باسشىسىنىڭ تاپسىرماسىنا سايكەس جاستاردىڭ كاسىپكەرلىك ىنتاسىن كوتەرۋ جانە قولداۋ ماقساتىندا شاعىن نەسيە بەرۋ ادىستەرىن قاراستىرىپ جاتىر.
– 2023 جىلدىڭ 1 قاڭتارىنان باستاپ جاستارعا شاعىن نەسيەلەر بەرىلەدى. ونىڭ پايىزدىق مولشەرى 2,5%-دى قۇرايدى. قازىرگى كەزدە ەرەجەلەر جوباسى جاسالىپ, «اشىق نقا» پورتالىندا جاريالاندى. باستى شارتى – كەپىلدىك بولۋعا ءتيىس. ول مىندەتتى تۇردە ءۇي بولۋى ءتيىس ەمەس, باعالانۋى تەڭ باسقا دا م ۇلىك بولۋى مۇمكىن. نەسيە مولشەرى 5 ملن تەڭگەگە دەيىن. بەرىلۋ مەرزىمى 5 جىلعا دەيىن. ەگەر قارىز اۋىل شارۋاشىلىعىن جۇرگىزۋ ماقساتىندا نەمەسە ءىرى قارا مال اسىراۋ ءۇشىن الىنسا, وندا 7 جىلعا دەيىن بەرىلەدى. نەسيە العان جاستارعا 1,5 جىلعا «كانيكۋل كەزەڭى» ۇسىنىلادى, ياعني, اتالعان ۋاقىتتا ولار اي سايىنعى جارنا تولەۋدەن بوساتىلادى, – دەدى ەڭبەك جانە حالىقتى الەۋمەتتىك قورعاۋ مينيسترلىگى حالىقتى جۇمىسپەن قامتۋ دەپارتامەنتىنىڭ ديرەكتورى اسقار نيازوۆ ورتالىق كوممۋنيكاتسيالار قىزمەتىندە وتكەن بريفينگتە.
ميكروكرەديت جاستاردىڭ كاسىپكەرلىك باستامالارىن دامىتۋعا ارنالعان. ۇكىمەت كەلەر جىلى وعان 5,8 مىڭ جاس قول جەتكىزەدى دەپ جوسپارلاپ وتىر.
– مەملەكەت جاستاردى جۇمىسپەن قامتۋ ماسەلەسىنە ەرەكشە نازار اۋدارىپ وتىر. اتاپ ايتساق, جىل سايىن «جاستار پراكتيكاسى», «العاشقى جۇمىس ورنى», «جەڭىلدىكپەن كرەديتتەۋ» جانە «ديپلوممەن – اۋىلعا!» باعدارلامالارى سياقتى جوبالاردى ىسكە اسىرۋ شەڭبەرىندە رەسپۋبليكا بويىنشا 100 مىڭعا جۋىق جاس ەڭبەكپەن قامتىلادى. حالىقتى ەڭبەكپەن قامتۋدىڭ تاعى ءبىر قۇرالى – نارىق سۇرانىسىنا قاراي ازاماتتاردى قىسقا مەرزىمدە وقىتۋ. اتالعان جوبانىڭ اياسىندا ازاماتتار جاڭا ماماندىق مەڭگەرىپ, وقۋ اياقتالعاننان كەيىن جۇمىسقا ورنالاسا الادى. جىل باسىنان بەرى 35,2 مىڭ ادام وقىتىلدى, – دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ولجاس ورداباەۆ.
جالپى, ەلدە سۋبسيديالاناتىن جۇمىس ورىندارىمەن قامتىلعان 161 مىڭعا جۋىق ازاماتتىڭ 36 پايىزىن جاستار قۇرايدى. ولارعا جالاقى مەملەكەت تاراپىنان ءىشىنارا نەمەسە تولىقتاي تولەنەدى. ەگەر جۇمىس بەرۋشىنىڭ بەلگىلەنگەن تالاپتارىنا ساي كەلەتىن بولسا, جاستار كاسىپورىنداردا جۇمىسقا ورنالاسا الادى. ول ءۇشىن ەڭبەك بيرجاسى ارقىلى قاجەت ورىندارعا ءوتىنىش بەرۋ كەرەك.
– قازىر سۋبسيديالاناتىن جۇمىس ورىندارىمەن قامتىلعان 161 مىڭعا جۋىق ازاماتتىڭ 36%-ىن جاستار قۇراپ وتىر. مۇنداي جۇمىس ورىندارىنىڭ نەگىزگى ماقساتى – جاستاردىڭ ناقتى ماشىقتارى مەن داعدىلارىن يگەرىپ, ودان ءارى تۇراقتى جۇمىسقا ورنالاستىرۋ. قازىرگى كۇنى جاستاردى جۇمىسپەن قامتۋ شارالارىنىڭ بىرنەشە باعىتى بويىنشا جۇزەگە اسىرىلىپ كەلەدى. ولاردىڭ ىشىندە «جاستار پراكتيكاسى», «العاشقى جۇمىس ورنى», «ۇرپاقتار كەلىسىمشارتى», قوعامدىق جۇمىس سياقتى جوبالار كوزدەلگەن. بۇل جوبالار جاسى 29-دان اسپاعان جوو تۇلەكتەرى نەمەسە جۇمىس تاجىريبەسى جوق NEET ساناتىنداعى جاستاردى جۇمىسقا ورنالاستىرۋعا باعىتتالعان, – دەدى ۆيتسە-مينيستر.
