مەملەكەت باسشىسى بۋرابايدا شەتەلدىك ينۆەستورلارمەن كەزدەسەدى

استانا. 5 ماۋسىم. مەملەكەت باسشىسى نۇرسۇلتان نازارباەۆتىڭ توراعالىعىمەن 12-13 ماۋسىم كۇندەرى شەتەلدىك ينۆەستورلار كەڭەسىنىڭ 27-ءشى جالپى وتىرىسى وتەدى. اتالعان جيىندا شەتەلدىك ينۆەستورلاردىڭ ەلىمىزدىڭ ەكىنشى يندۋستريالىق-يننوۆاتسيالىق بەسجىلدىعىنا قاتىسۋ ماسەلەلەرى تالقىلانادى. بۇل تۋرالى بايلانىس جانە اقپارات اگەنتتىگى حابارلادى. باسقوسۋدا نەگىزگى بايانداماشىلار رەتىندە ۇكىمەت باسشىسىنىڭ ورىنباسارى,  يندۋستريا جانە جاڭا تەحنولوگيالار ءمينيسترى ءا.يسەكەشەۆ جانە ەۋروپالىق قايتا قۇرۋ جانە دامۋ بانكىنىڭ پرەزيدەنتى سەر سۋما چاكرابارتي ءسوز سويلەيدى. جيىندا بۇلاردان بولەك, «ازيالىق دامۋ بانكى», «ەۋرازيالىق تابيعي رەسۋرستار كورپوراتسياسى», «بەيكەر مەن ماكەنزي», «سبەربانك», «بي دجي گرۋپپ», «دجەنەرال ەلەكتريك», «لۋكويل», «كامەكو», «شەلل» سياقتى كومپانيالاردىڭ باسشىلارى ءوز پىكىرلەرىن ورتاعا سالادى. ەستەرىڭىزگە سالا كەتەيىك, شەتەلدىك ينۆەستورلار كەڭەسى پرەزيدەنتتىڭ توراعالىعىمەن وتەتىن كونcۋلتاتسيالىق-كەڭەسشى ورگان. ونىڭ قۇرامىنا 35 شەتەلدىك كومپانيا مەن حالىقارالىق ۇيىمداردىڭ باسشىلارى بار. جولدىباي بازار. دەرەككوز: بايلانىس جانە اقپارات اگەنتتىگى. فوتو: akorda.kz.