وتكەن اپتانىڭ اياعىندا وسى وقۋ ورنىنىڭ ۇجىمى مەكتەپتىڭ شيرەك عاسىرلىق تويىن تاماشا كونتسەرتتىك باعدارلامامەن اتاپ ءوتتى. وعان الماتىدان, استانادان ەلىمىزگە تانىمال ونەر قايراتكەرلەرى كەلدى. سونىڭ ىشىندە اتاقتى سكريپكاشى, مونتە-كارلوداعى حالىقارالىق فەستيۆالدىڭ جەڭىمپازى, ەرمەك سەركەباەۆتىڭ ءىنىسى, ديريجەر مۇرات سەركەباەۆتىڭ قىزى ءجاميلا سەركەباەۆا, وپەرا ءانشىسى, قازاق ۇلتتىق ونەر ۋنيۆەرسيتەتىنىڭ پروفەسسورى قانات ومارباەۆ, وپەرا ءانشىسى, قازاقستاننىڭ ەڭبەك سىڭىرگەن قايراتكەرى ازامات جىلتىركوزەۆ جانە وسى وقۋ ورنىنىڭ اتاقتى تۇلەكتەرى قاتىستى.
ونەر ۇجىمىن جەرگىلىكتى بيلىك ورگاندارىنىڭ وكىلدەرى, كەلگەن قوناقتار, مادەنيەت جانە وقۋ ورىندارىنىڭ وكىلدەرى قۇتتىقتاپ بولعان سوڭ, مەكتەپ وقۋشىلارى تاماشا قويىلىم كورسەتتى. سونىڭ ىشىندە ەرمەك سەركەباەۆتىڭ ومىرىنە ارنالعان قىزىقتى كورىنىستەر, ءانشىنىڭ بالالىق شاعىنداعى اكەسى بەكمۇحامەد پەن اناسى زىليحانىڭ قارا شاڭىراعىنداعى وسكەن ورتاسى, ۇلگى العان ونەگەلەرى كورەرمەندەرگە تارتۋ ەتىلدى. ءانشىنىڭ بالالىق شاعىن ج.بولات, ەرەسەك شاعىن ب.ءبىرىمجانوۆ وينادى.
كەزىندە اتاعى جەر جارعان «ناش ميلىي دوكتور» فيلمىندەگى «نادو منوي نەبو سينەە» سياقتى ءانشىنىڭ ورىنداۋىنداعى اندەر شىرقالىپ, ولار وقۋشىلاردىڭ قويىلىمدارىمەن ارلەندىرىلىپ وتىردى. بالالار حورى ورىنداعان ء«وز ەلىم», «ناريسۋي ەتوت مير», «الليلۋيا» سەكىلدى اندەر دە كورەرمەندەردى بەيجاي قالدىرمادى. باسقا ونەرپاز جاستار دا ونەردىڭ ورىنە اياق باسىپ تۇرعاندارىن كورسەتتى. بۇل شاڭىراقتىڭ ونەر جولىنداعى الار اسۋلارى بيىك ەكەنى كورىنىپ تۇر.
سونىمەن قاتار ونەر ۇجىمىن بەينەكورىنىس ارقىلى الىبەك دىنىشەۆ, ايمان مۇساقوجاەۆا سياقتى ونەر جۇلدىزدارى دا قۇتتىقتادى.
پەتروپاۆل
