«پاۆلودار ەنەرگو» كومپانياسىنىڭ مالىمەتىنشە, قالانى جىلۋمەن قامتۋ جۇيەسىنە 5,5 مىڭعا جۋىق تۇرعىن ءۇي قوسىلعان. 11 جەلتوقسانداعى جاعداي بويىنشا ەكىباستۇزدا ولاردىڭ 29-ى ءالى جىلۋسىز وتىر.
«جەكە سەكتوردا ساندار تۇراقتى تۇردە وزگەرىپ وتىرادى. وتكەن تۇندە 38-گە جۋىق جەكە تۇرعىن ءۇي جىلۋسىز قالدى, ەندى 29-ىن جىلۋمەن قامتۋ قالدى. جۇمىس تاڭنان كەشكە دەيىن جالعاسۋدا, وعان 400-گە جۋىق ادام جۇمىلدىرىلعان. تۇرعىنداردان جىلىتۋعا قاتىستى كوپتەگەن سۇراقتار كەلىپ تۇسۋدە. قازىر جىلۋمەن جابدىقتاۋ جۇيەسىن تەڭگەرىمدەۋمەن اينالىساتىن بەس رەتتەۋشىلەر توبى بار», دەدى ەكىباستۇز قالاسىنىڭ اكىمى ايان بەيسەكين.
قالا اكىمىنىڭ ايتۋىنشا, جەرگىلىكتى جىلۋ قىزمەتكەرلەرىنە پاۆلودارلىق ماماندار كومەككە كەلگەن.
ەسكە سالايىق, 28 قاراشادا ەكىباستۇزدا توتەنشە جاعداي جاريالانعان بولاتىن. ودان كەيىن قالا بيلىگىنىڭ مالىمەتىنشە, ساعات 01:30-داعى جاعداي بويىنشا 17 كوپقاباتتى تۇرعىن ءۇي, بەس الەۋمەتتىك جانە زاڭدى تۇلعالاردىڭ 21 نىسانى جىلۋسىز قالعان.
8 جەلتوقساندا ەكىباستۇزدا توتەنشە جاعداي رەجيمى الىندى.
