قازاقستان • 09 جەلتوقسان، 2022

«التىن دومبىرا»: تۇركىستاندا الامان ايتىس باستالدى

165 رەت كورسەتىلدى

تۇركىستاندا «التىن دومبىرا» رەسپۋبليكالىق اقىندار ايتىسى باستالدى. ەكى كۇنگە جوسپارلانعان ءدۇبىرلى دودا ۇلت ۇستازى احمەت بايتۇرسىن ۇلىنىڭ 150 جىلدىعىنا ورايلاستىرىلىپ وتىر، دەپ جازادى Egemen.kz.

الاماننىڭ اشىلۋىندا ءسوز سويلەگەن «AMANAT» پارتياسىنىڭ توراعاسى ەرلان قوشانوۆ ەل بىرلىگىنىڭ جانە ۇلت تۇتاستىعىنىڭ ءمانى مەن ماڭىزىنا توقتالىپ، وسى جولدا باسىن بايگەگە تىككەن احمەت بايتۇرسىن ۇلىنىڭ ايرىقشا ءرولى مەن ەرەن ەڭبەگىن اتاپ ءوتتى.

«كيەلى تۇركىستان توپىراعىندا الامان ايتىستىڭ شىمىلدىعىن اشىپ وتىرمىز. «اMANAT» پارتياسى رۋحانيات پەن مادەنيەتكە جان-جاقتى قامقورلىق جاساپ كەلەدى. سونىڭ ءبىر ايعاعى – ۇلتىمىزدىڭ بويتۇمارىنا اينالعان وسى ايتىس»، دەدى ەرلان قوشانوۆ.

ارينە، جاھاندانۋ داۋىرىندە ۇلت بولمىسىن، ونىڭ دارا ءداستۇرىن، قايماعى بۇزىلماعان ءتول ونەرىن ساقتاپ قالۋ وڭاي ەمەس. بۇل رەتتە، «AMANAT» پارتياسىنىڭ ساياسي تۇعىرناماسىندا ۇلتتىق ونەرىمىز كەڭىنەن ناسيحاتتالىپ، وعان جان-جاقتى جاعداي جاسالاتىنى ايقىن جازىلعان.

«ەل پرەزيدەنتى قاسىم-جومارت توقاەۆتىڭ باستاماسىمەن ەلىمىز جاڭا داۋىرگە، ادىلەتتى قازاقستانعا قادام باستى. قوعام وزگەرىپ جاتىر. وسى وڭ وزگەرىستەردى بولاشاققا اقىندارىمىز جەتكىزەدى دەپ ويلايمىن. بۇگىن ورامدى ويلاردى، اتالى سوزدەردى ەستيمىز دەگەن سەنىمدەمىن»، دەپ اتاپ ءوتتى ەرلان قوشانوۆ.

پارتيا ءتول تاريحىمىزدى دارىپتەۋ، رۋحانياتىمىزدى جاڭعىرتۋ باعىتىنداعى باستامالاردى ءارى قاراي دا جالعاستىرا بەرەدى. وسى ۋاقىت ارالىعىندا ساياسي ۇيىمنىڭ تىكەلەي قولداۋىمەن ەلىمىزدە 100-گە جۋىق رەسپۋبليكالىق اقىندار ايتىسى ۇيىمداستىرىلدى.

ءوز كەزەگىندە، ايتىستىڭ تىزگىنىن ۇستاعان اقىن، ءماجىلىس دەپۋتاتى امانجول ءالتاي بۇگىنگى ۇرپاق ۇلى تۇلعانىڭ كەمەڭگەر ويلارى ارقىلى تاربيەلەنەتىنىن جەتكىزىپ،كوزىقاراقتى كورەرمەنگە قازىلار القاسىنىڭ قۇرامى مەن سىنعا تۇسەتىن اقىنداردى تانىستىردى.

وسىلايشا، تۇركى الەمىنىڭ رۋحاني استاناسىندا ءوتىپ جاتقان ءسوز سايىسىندا قازىلار القاسىنا كورنەكتى ونەر قايراتكەرى، قازاقستاننىڭ حالىق ءارتىسى، مەملەكەتتىك سىيلىقتىڭ يەگەرى – ءاسانالى ءاشىموۆ توراعالىق ەتەدى. سونىمەن قاتار، قازىلار القاسىنىڭ قۇرامىندا اقىن، اباي اتىنداعى ادەبيەت پەن ونەر سالاسىنداعى مەملەكەتتىك سىيلىقتىڭ يەگەرى عالىم جايلىباي، سەنات دەپۋتاتى نۇرتورە ءجۇسىپ، اقىن، «وتان» وردەنىنىڭ يەگەرى سۆەتقالي نۇرجان،ءماجىلىس دەپۋتاتى جاناربەك ءاشىمجانوۆ، اقىن، قازاقستان جازۋشىلار وداعى استانا قالالىق فيليالىنىڭ ديرەكتورى داۋلەتكەرەي كاپ ۇلى، «التىن دومبىرا» يەگەرى بەكارىس شويبەكوۆ،اقىن، قادىر مىرزا ءالى اتىنداعى باتىس قازاقستان وبلىستىق «مادەنيەت جانە ونەر» ورتالىعىنىڭ ديرەكتورى باۋىرجان  قاليوللا سىندى مادەنيەت جانە تارلاندارى بار.

الاش ارداقتىسى احمەت بايتۇرسىن ۇلىنىڭ 150 جىلدىعىنا وراي ۇيىمداستىرىلىپ وتىرعان ءسوز بارىمتاسىندا ەلىمىزدىڭ تۇكپىر-تۇكپىرىنەن كەلگەن 18 اقىن ءوزارا باق سىناۋدا. ولاردىڭ اراسىندا «التىن دومبىرا» يەگەرى رۇستەم قايىرتاي، حالىقارالىق، رەسپۋبليكالىق ايتىستاردا توپ جارىپ جۇرگەن تولەگەن جامانوۆ، ەركەبۇلان قاينازاروۆ، ءبىرجان بايتۋوۆ جانە ت.ب. اقىندار بار. ال كىل مىقتىدان كىم مىقتى شىعارى اقتىق سىندا انىقتالادى.

 

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار