وقيعا بيىلعى 21 تامىزدا بولعان. كۋركيەكسكي ەلدى مەكەنىنىڭ دەپۋتاتى ميحايل باەۆ پۋلكوۆودان ساماراعا ۇشۋى ءتيىس بولعان. بىراق اۋەجايعا كەشىگىپ كەلە جاتقان سوڭ قيتۇرقى ارەكەتكە بارعان. ناقتىراق ايتساق, باەۆ پوليتسياعا حابارلاسىپ, ونىڭ ۇشاتىن ۇشاعىنا بومبا قويىلعانىن حابارلاعان.
اۋەجايدىڭ قاۋىپسىزدىك قىزمەتكەرلەرى ۇشاقتى تەكسەردى, بىراق ەشتەڭە تاپپادى. سودان كەيىن پوليتسيا دەپۋتاتتى تۇتقىندادى.
«سوت باەۆتىڭ بۇرىن سوتتالماعانىن, ەسەپتە تۇرماعانىن, زەينەتكەر ەكەنىن, بالا اسىراپ وتىرعانىن (2009 ج.ت.), سونداي-اق كامەلەتكە تولماعان سوزىلمالى اۋرۋلارى بار بالاسى (2006 ج.ت.) بار ەكەنىن انىقتادى. كۋركيەكسكي ەلدى مەكەنىنىڭ اكىمشىلىگى دە ول جايلى وڭ پىكىر ءبىلدىردى», دەلىنگەن حابارلامادا.
وسىلايشا, سوت دەپۋتاتتى ءۇش جىل سىناق مەرزىمىمەن شارتتى تۇردە 3 جىلعا باس بوستاندىعىنان ايىردى.
