اقپاراتتار اعىنى

* «ازىق-ت ۇلىك كەلىسىمشارت كورپوراتسياسى» وڭىرلەرگە ارزان باعامەن 156 مىڭ توننا استىق جونەلتتى. اكتسيونەرلىك قوعام مەملەكەتتىك ساتىلۋ رەسۋرستارىنان نان مەن ۇن باعالارىن تۇراقتاندىرۋ ءۇشىن استىقتىڭ تونناسىن 28 300 تەڭگەدەن ءبولدى. سونىمەن قاتار, وبلىستارعا كوممەرتسيالىق باعامەن 17 مىڭ توننا استىق جىبەرىلدى. * قازاقستاندا 20 ملن. دوللارعا «جاسىل» مەكتەپتەر مەن اۋرۋحانالار سالىنادى. بۇل جۇمىستار قازاقستان مەن ورتالىق ازياداعى بۇكiلالەمدiك بانكتىڭ ەنەرگيا تيiمدiلiگى جوباسى بويىنشا جۇزەگە اسىرىلادى. جوبا 2017 جىلعا قاراي اياقتالادى دەپ كوزدەلىپ وتىر. * قاراعاندى وبلىسىندا بيىل 3,9 ملرد. تەڭگەگە 16 جوبانى جۇزەگە اسىرۋ كوزدەلدى.  ولار 2012-2020 جىلدارى جەزقازعان, ساتباەۆ قالالارى مەن ۇلىتاۋ اۋدانىن الەۋمەتتىك-ەكونوميكالىق دامىتۋدىڭ كەشەندى جوسپارىن جۇزەگە اسىرۋعا باعىتتالعان. * وسكەمەندە قازاقستان مەن رەسەي تاريحشىلارى ءوڭىردىڭ وتكەنى مەن كەلەشەگى جايىن تالقىلادى. «توتاليتارلىق بيلىك جانە XX عاسىردىڭ 20-50-ءشى جىلدارىنداعى حالىق» دەگەن تاقىرىپپەن وتكەن حالىقارالىق عىلىمي-تاجىريبەلىك كونفەرەنتسيادا تاريح ساباقتارىنان قورىتىندى شىعارۋ تۋرالى ايتىلدى. جيىندى جۇرگىزگەن شىعىس قازاقستان وبلىسى اكىمىنىڭ ورىنباسارى نۇرلىبەك شەرۋباەۆ باسقوسۋدىڭ العا قويعان ماقساتىن تولىق ورىنداعانىن ءمالىم ەتتى. * ۇستىمىزدەگى جىلى 22 467 قىزىلوردالىق وقۋشى جازعى تىنىعۋ لاگەرلەرىنە جولداما الدى. بۇل جايىندا ءسوز ەتكەن قالا اكىمى نۇرلىبەك نالىباەۆ بۇدان بولەك, 10 سىنىپتى بىتىرگەن 2 145 وقۋشىنىڭ جازعى ەڭبەك  بريگادالارىنا 10 كۇندىك جۇمىسقا, 7 500 وقۋشىنىڭ كوپقاباتتى تۇرعىن ۇيلەر اۋلاسىنداعى 177 سپورت الاڭى مەن مەكتەپتەر سەكتسيالارىنا باراتىنىن  ايتتى. *استانانىڭ «بارىس» حوككەي كلۋبى ءوزىنىڭ فيرمالىق اۋىزسۋىن شىعاردى.  كلۋب ءباسپاسوز قىزمەتى حابارلاعانداي, اۋىزسۋ جاقىن كۇندەرى ەلىمىزدەگى بارلىق ساۋدا ورىندارىندا ساتىلادى. ءبىر ايتاتىن جايت, بۇل «بارىستىڭ» ءبىرىنشى جەكە ءونىمى ەمەس. كلۋب بيىلعى ناۋرىزدان «شايبا» جانە «ءبىزدىڭ جەڭىس» اتتى بالمۇزداقتار شىعارا باستادى. «قازاقپارات», BNews.kz, «قازاقستان جاڭالىقتارى», اltaynews.kz, Egemen.kz اگەنتتىكتەرى مەن «زناميا ترۋدا» گازەتىنىڭ سايتتارى دەرەكتەرى بويىنشا دايىندالدى.