جەلى قولدانۋشىلارى جۇك كولىگىنىڭ اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ بالىق قورعاۋ باسقارماسىنا تيەسىلى ەكەنىن جازدى.
وبلىستىق تجد قىزمەتىنىڭ حابارلاۋىنشا, كولىك جاعالاۋ سىزىعىنان 15 مەتر جەردە پەشنوي اۋىلدىق وكرۋگى دامبا اۋىلىندا ىستەن شىققان. زارداپ شەككەندەر تۋرالى مالىمەت جوق.
قۇتقارۋشىلار مۇزدى لوممەن كەسىپ ءوتتى, ال جەدەل-قۇتقارۋ جاساعىنىڭ سۇڭگۋىرلەرى سۋ استىنا ءتۇسىپ, كولىكتىڭ ارتقى دوڭگەلەكتەرىنە كابەلدى بايلاپ, ونى جاعاعا شىعاردى. قۇتقارۋ جۇمىستارىنا اتىراۋ وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ التى قىزمەتكەرى مەن ءبىر تەحنيكاسى جۇمىلدىرىلدى.
اتىراۋ وبلىسىنىڭ توتەنشە جاعدايلار دەپارتامەنتى جۇقا ءارى نازىك مۇزعا شىعۋعا, سونداي-اق كولىك ايداۋعا بولمايتىنىن ەسكە سالدى.
