5 جەلتوقساندا الەۋمەتتىك جەلىلەر مونيتورينگى بارىسىندا تولە بي كوشەسىندەگى مەكتەپتەردiڭ بiرiندە تەرروريستىك اكتى بولاتىنى تۋرالى حابارلاما انىقتالدى. وقيعا ورنىنا پوليتسيا قىزمەتكەرلەرى كەلدى. مەكتەپ عيماراتىن تەكسەرۋ بارىسىندا جارىلعىش قۇرىلعى تابىلمادى, ءىس-شارا ەۆاكۋاتسياسىز وتكىزىلدى, قاۋىپ جويىلدى.
جەدەل-ىزدەستىرۋ ءىس-شارالارىن جۇرگىزۋ كەزىندە استانا قالاسى پد ەكسترەميزمگە قارسى ءىس-قيمىل باسقارماسى قىزمەتكەرلەرى جالعان اقپارات تاراتقان ادامدى انىقتادى. ول وسى مەكتەپتىڭ 13 جاستاعى وقۋشىسى بولىپ شىقتى. ءجاسوسپىرىم وسىلايشا ساباق بولماسىن دەپ ازىلدەگەنىن ءتۇسىندىردى. يۋۆەنالدى پوليتسيانىڭ ينسپەكتورلارى مەن بالانىڭ اتا-اناسىنىڭ كوزىنشە جاسوسپىرىممەن بۇدان بىلاي مۇنداي فاكتىلەرگە جول بەرمەۋ تۋرالى پروفيلاكتيكالىق اڭگىمە جۇرگىزىلدى. زاڭدى وكىلدەرىنە قاتىستى اكىمشىلىك سيپاتتاعى شارالار قابىلدانادى.
