«كوزدەرى وتتاي جانىپ, جىگەرلەنىپ تۇرعان بالالار ءوز جوبالارى جايىندا ايتىپ, بالالار قۇقىعىن قورعاۋدىڭ ءتۇرلى اسپەكتىلەرى بويىنشا زەرتتەۋلەرىن ۇسىندى.
دايىندىق ساپاسىنا قاتتى تاڭعالدىم. سەبەبى بايانداما جاساعان بالانىڭ بارلىعى ءوز تاقىرىپتارى بويىنشا ساۋالداما جۇرگىزىپ, ادەبيەتتەردى قاراعان, تالداۋ مەن ناقتى ۇسىنىستار دايىنداعان.
بالالاردىڭ مەكتەپتەرىندە «وقۋعا قۇشتار مەكتەپ», دەباتتار, مەكتەپتىڭ ءوزىن-ءوزى باسقارۋى سياقتى جوبالارىمىزدىڭ جۇزەگە اسىرىلىپ جاتقانىن ەستىپ, قۋانىپ قالدىم. بالالاردىڭ كوپشىلىگى وسى جوبالارعا وزدەرى دە قاتىسادى.
ولار كاسىپتىك باعدار بەرۋ, بالالاردىڭ قاۋىپسىزدىگىن قامتاماسىز ەتۋدىڭ قوسىمشا تەتىكتەرى, بالا كەزدەگى جاراقاتتاردىڭ الدىن الۋ, ينكليۋزيۆتى ءبىلىم بەرۋدى دامىتۋ, مەكتەپ پارلامەنتتەرىنىڭ وكىلەتتىكتەرىن كەڭەيتۋ, بالالار ۇيلەرىنە قولداۋ كورسەتۋ, ارنايى مەكتەپ اۆتوبۋستارىن ىسكە قوسۋ, تەننيسكا مەن كارديگانداردى مەكتەپ فورماسىنا قوسۋ جانە ت.ب. بويىنشا قىزىقتى ۇسىنىستارىن ايتتى», دەپ جازدى اسحات ايماعامبەتوۆ.
وقۋ-اعارتۋ ءمينيسترى ۇسىنىستارى ءۇشىن بالالارعا العىس ايتىپ, ءتيىستى قۇرىلىمدىق بولىمشەلەرگە وسى ماسەلەلەرمەن جۇمىس ىستەۋدى تاپسىردى.
«مۇنداي كەزدەسۋلەر بالالار مەن مينيسترلىك اراسىنداعى ماڭىزدى ديالوگ الاڭى ەكەنىن اتاپ وتكىم كەلەدى. بالالار وكىلدەرىن ىنتىماقتاستىققا, بۇدان دا بەلسەندى, باستاماشىل بولىپ, بالالاردىڭ ماسەلەلەرىن شەشۋگە ۇلەس قوسۋعا شاقىردىم.
بالالار وكىلدىكتەرى ينستيتۋتى وقۋشىلار اراسىنداعى وزەكتى ماسەلەلەرگە جەدەل دەن قويۋ جانە ولاردى شەشۋ ءۇشىن وقۋ-اعارتۋ مينيسترلىگىنىڭ باستاماسىمەن قۇرىلعان بولاتىن. بالالاردىڭ قۇقىقتارىن قامتاماسىز ەتۋ جونىندەگى وكىلدەر ءبىلىم بەرۋ ۇيىمدارىندا سايلانادى», دەدى مينيستر.
