قىزىلوردادا تۇڭعىش رەت جاعاجاي الاڭى پايدالانۋعا بەرىلدى

قىزىلوردا. 4 ماۋسىم. قىزىلوردادا جاعاجاي فۋتبولىنىڭ ارەناسى اشىلدى. بۇل تۋرالى egemen.kz ءتىلشىسى حابارلادى. قىزىلوردا وبلىستىق فۋتبول فەدەراتسياسىنىڭ 2013-2020 جىلدارعا ارنالعان باعدارلاماسىنا سايكەس, قالانىڭ «سىر سامالى» جاعاجايىندا ارنايى فۋتبول الاڭى سالىنىپ, ەل يگىلىگىنە ۇسىنىلدى. اتالعان ارەنانى قىزىلوردا وبلىستىق فۋتبول فەدەراتسياسىنىڭ تاپسىرىسىمەن «مەليوراتور» جاۋاپكەرشىلىگى شەكتەۋلى سەرىكتەستىگى سالدى. ارەنانىڭ اشىلۋ سالتاناتىندا وبلىسى اكىمىنىڭ ورىنباسارى, وبلىستىق فۋتبول فەدەراتسياسىنىڭ پرەزيدەنتى نۇرجان الىباەۆ, «مەليوراتور» جشس ديرەكتورىنىڭ ورىنباسارى مەيرام جۇبەكەشوۆ جانە «قازترانسگازايماق» قىزىلوردا وندىرىستىك فيليالىنىڭ ديرەكتورى بولات مۇرتازاەۆ ءسوز سويلەپ, الاڭنىڭ سالتاناتتى تۇردە لەنتاسىن قيدى. نۇرجان الىباەۆ: «سىر وڭىرىندە دە جاعاجاي فۋتبولىمەن اينالىسىپ, ەلدىمىزدىڭ نامىسىن اسقاقتاتاتىن ساڭلاقتار كوپ بولادى دەپ سەنەمىز»,– دەدى. الاڭنىڭ اشىلۋ سالتاناتى جەتكىنشەكتەر اراسىنداعى تۋرنيرمەن جالعاستى. ارەنا تاريحىنداعى العاشقى گولدى №6 وبجسم كومانداسىنىڭ ويىنشىسى ەرسۇلتان ىدىرىسوۆ سوقتى. «قازترانسگازايماق» قىزىلوردا وندىرىستىك فيليالى ءتۋرنيردىڭ جۇلدە قورىن 100 مىڭ تەڭگە كولەمىندە تاعايىنداپتى. 1-ورىن №6 وبجسم كومانداسى جەڭىپ الدى. بۇل كوماندا سايكەسىنشە, 50 مىڭ تەڭگەگە يە بولسا, ەكىنشى ورىن العان كومانداعا 30 مىڭ تەڭگە بۇيىرىپ, 3-ورىن يەگەرى 20 مىڭ, 4-ورىن يەگەرى 15 مىڭ تەڭگەگە قول جەتكىزدى. سونداي-اق, ءتۋرنيردىڭ ۇزدىك قاقپاشىسى باعداۋلەت ءابجان مەن ۇزدىك ويىنشىسى قۇرمەت جۇماعالي دە باعالى سىيلىقتارمەن ماراپاتتالدى. جالپى, جاعاجاي فۋتبولى سىر وڭىرىندە عانا ەمەس, ەلىمىز بويىنشا باياۋ دامىپ كەلە جاتقان ويىن ءتۇرى. ەلىمىزدىڭ تەك ءبىردى-ەكىلى ايماقتارىندا عانا بولماسا, مۇنىمەن اينالىساتىندار از. دەگەنمەن, بۇدان بىلاي فۋتبولدىڭ بۇل ءتۇرى قىزىلوردا وبلىسىندا قارقىندى داميتىن بولادى. ەرجان بايتىلەس. دەرەككوز: egemen.kz. فوتو: egemen.kz.