«وزىندىك ەرەكشەلىگى بار تاۋارلاردى باقىلاۋ تۋرالى» زاڭ جوباسى تاۋارلاردى جالپىعا بىردەي قابىلدانعان حالىقارالىق ستاندارتتارعا سايكەس باقىلاۋدىڭ ۇلتتىق جۇيەسىن جەتىلدىرۋ ماقساتىندا ازىرلەنگەن بولاتىن.
زاڭ جوباسىندا ەكسپورت, يمپورت, ترانزيت, رەەكسپورت, ەكستەرريتوريالىق رەەكسپورت جانە ەكستەرريتوريالىق دەلدالدىق قىزمەتتەر مەن تەحنيكالىق كومەك كورسەتۋ ماسەلەلەرى, سونداي-اق قازاقستان رەسپۋبليكاسىنىڭ زاڭناماسىنا قوسارلى جانە اسكەري ماقساتتاعى تاۋارلار مەن كورسەتىلەتىن قىزمەتتەردىڭ ەكسپورتى كەزىندەگى قاۋىپتەردى باعالاۋ ولشەمشارتتارىن جانە وسى سالاداعى وزگە دە ەرەكشەلىكتەردى ەنگىزۋ رەتتەلگەن.
قۇجات ەرەكشە تاۋارلاردى باقىلاۋدىڭ ءتيىمدى تەتىگىن جاساۋعا, ولارعا قاتىستى قاۋىپتەردى جويۋعا, سونداي-اق وتاندىق ەكونوميكانى حالىقارالىق بايلانىستار جۇيەسىنە كىرىكتىرۋگە جاعداي جاساۋدى قامتاماسىز ەتەتىن بولادى.
وتىرىس بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزىندىك ەرەكشەلىگى بار تاۋارلاردى باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا قارالدى. زاڭ جوباسى ارقىلى 6 كودەكسكە جانە 11 زاڭعا وزگەرىستەر مەن تولىقتىرۋلار ەنگىزىلەدى.
اتاپ ايتقاندا, مەملەكەتتىك ورگانداردىڭ قۇزىرەتتەرى, مەملەكەتتىك ورگاندارمەن جانە ۇيىمدارمەن ءوزارا اقپاراتتىق ءىس-قيمىل جاساۋ ءتارتىبى ناقتىلانادى جانە تولىقتىرىلادى. سونداي-اق زاڭنامانى بۇزعانى ءۇشىن جاۋاپكەرشىلىك كۇشەيتىلەدى, رۇقسات بەرۋ ءتارتىبى جانە وزگە دە تالاپتار وزگەرەدى.
زاڭ جوباسى پالاتانىڭ قاراۋىنا جىبەرىلدى.
