ايماقتار • 07 جەلتوقسان، 2022

ساپاسىز ويىنشىقتىڭ زالالى

45 رەت كورسەتىلدى

دۇكەندەگى بالالارعا ارنالعان ساپاسىز بازارلىقتار ءارتۇرلى دەرتكە جەتەلەۋى مۇمكىن. كەدەننەن زاڭسىز وتكەن ويىنشىقتاردىڭ زالالى قوعامعا قاۋىپتى. ماسەلەن، جەتىسۋ وبلىسىندا زەرتتەلگەن ويىنشىقتاردىڭ 64 پايىزى تەحنيكالىق رەگلامەنتتەردىڭ تالاپتارىنا سايكەس كەلمەيدى. دەمەك، ءوڭىر تۇرعىندارىنىڭ الاڭداۋىنا سەبەپ بار. بۇگىندە دارىگەرلەر دە زار قاعىپ وتىر.

وڭىرلىك سانيتارلىق-ەپيدەميالىق باقىلاۋ دەپارتامەنتى تۇ­راق­تى تۇردە ويىنشىقتاردىڭ قاۋىپ­­سىزدىگىنە مونيتورينگ جۇرگىزەدى. ماق­سات – ءونىمنىڭ قاۋىپسىزدىگىن باعا­لاۋ، سونداي-اق تەحنيكالىق رەگلامەنت­تەردىڭ تالاپتارىنا سايكەس كەلمەيتىن بۇزۋشىلىقتاردى انىقتاۋ. مىسالى، اعىمداعى جىلدىڭ 10 ايىندا مونيتورينگ ناتيجەلەرى زەرتتەلگەن ويىنشىقتاردىڭ 64 پايىزى كە­دەن وداعىنىڭ «ويىنشىقتاردىڭ قاۋىپ­سىزدىگى تۋرالى» تەحنيكالىق رەگلا­مەنتىنىڭ تالاپتارىنا (تر تس 008/2011) سايكەس كەلمەيتىنىن كورسەتكەن.

بارلىق جاعدايدا سايكەسسىزدىكتەر ويىنشىقتاردىڭ تاڭبالانۋىندا انىقتالعان، ياعني تاۋاردىڭ اتاۋى، دايىنداۋشىنىڭ (ۋاكىلەتتىك بەرگەن تۇلعانىڭ)، يمپورتتاۋشىنىڭ اتاۋى مەن ورنالاسقان جەرى، دايىندالعان كۇنى، ەاس بەلگىسى تۋرالى اقپارات بولماعان. ول ازداي انا تىلىمىزدە دەرەكتەر ءجوندى جازىلماعان.

اتاپ ايتساق، «L.Q.L. BEAUTIFUL» پلاستماسسادان جاسالعان قۋىرشاعى، «TOYS» پلاستماسسادان جاسالعان سۋ تاپانشاسى، «Beach Toys» قۇمدا ويناۋعا ارنالعان جيناعى، «Toys Toys» سۋ تاپانشاسى، «Girls Toys» ىدىس-اياق جيناعى قىتايداعى بەلگىسىز وندىرۋشىلەر جاساعان. ءۇش جاستان اسقان بالالارعا ارنالعان 5 ويىنشىق سىناماسىندا فورمالدەگيد، بەنزول، ستيرول جانە كسيلولدىڭ ارتىق مولشەرى انىقتالدى. مامانداردىڭ ايتۋىنشا، فورمالدەگيد قاتەرلى ىسىك اۋرۋىن تۋدىرۋى مۇمكىن. سونداي-اق بەنزول سۇيەك كەمىگىنە زياندى اسەر ەتەدى جانە قىزىل قان جاسۋشالارىنىڭ ازايۋىنا سەپ بولادى. مۇنىڭ اسىرىنەن بالا انەمياعا دۋشار بولۋى ىقتيمال. ستيرول باۋىر مەن بۇيرەكتىڭ جۇمىسىنا، قان اينالىمى مەن جۇيكە جۇيەسىنە تەرىس اسەر ەتەدى. ول ول ما، ادام اعزاسىنا ۇزاق ۋاقىت ەنۋى جوعارى تىنىس الۋ جولدارى اۋرۋلارىنىڭ اسقىنۋلارىن تۋدىرادى. كسيلول ادامنىڭ جۇيكە جۇيەسىنە زياندى، اعزاعا تۇسكەندە تەرىنىڭ جانە شىرىشتى قاباتتاردىڭ تىتىركەنۋىنە جول اشادى. وسى ورايدا دەپارتامەنت قىزمەتكەرلەرى كاسىپكەرلىك سۋبەكتىلەرىنىڭ اتىنا بۇزۋشىلىقتاردى جويۋ تۋرالى ۇيعارىمدار بەردى.

وزدەرىڭىزگە بەلگىلى، جاڭاجىلدىق مەرەكە جاقىنداپ كەلەدى. وسى كۇندەرى بالالاردىڭ دەنساۋلىعىنا زيان كەلتىرمەۋ ءۇشىن ويىنشىق تاڭداۋعا جاۋاپكەرشىلىكپەن قاراۋ كەرەك. وسى رەتتە مامانداردىڭ كەڭەسىنە جۇگىنسەك. ەڭ الدىمەن، تاڭبالاۋدى زەردەلەپ الىڭىز، ول تولىق، دۇرىس، ناقتى، وڭاي وقىلاتىن، مەملەكەتتىك جانە ورىس تىلدەرىندە بولۋعا ءتيىس. ودان كەيىن ويىنشىق دايىندالعان ماتەريالعا نازار اۋدارىڭىز، وندا جاعىمسىز ءيىس بولماۋى كەرەك. ءتۇسى تىم جارقىن ەمەس، دىبىس اسا قاتتى جانە كەنەتتەن شىقپاۋعا ءتيىس. سوسىن بارلىق بەكىتپە مەن قوسىندىنىڭ سەنىمدىلىگىن تەكسەرىڭىز. ساتۋشىدان ويىنشىقتىڭ قاۋىپسىزدىگىن راستايتىن قۇجاتتى سۇراڭىز. ولار بولماسا، ساتىپ الۋدان باس تارتىڭىز. وسىلاردى ەسكەرە جۇرگەنىڭىز ءجون.

 

جەتىسۋ وبلىسى

 

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار