تاۋەلسىزدىگىمىزدىڭ تۇعىرى

4 ماۋسىم – ەگەمەن ەلىمىزدىڭ مەملەكەتتىك رامىزدەرى قابىل­دان­عان كۇن. بۇل ايتۋلى داتا وسىمەن جيىرما ەكىنشى رەت مەرە­كەلەنىپ وتىر. اتاۋلى مەرە­كەگە وراي كەشە استانا قالا­سى ىشكى ساياسات باسقارماسى «اتا­مەكەن» قازاقستان كارتاسى» ەتنو­مەموريالدىق كەشەنىندە قالا اكىمدىگى جانىنداعى مەملەكەتتىك رامىزدەر جونىندەگى كوميسسيانىڭ مەرەكەلىك وتىرىسىن وتكىزدى. شارانى استانا قالاسى اكىمىنىڭ ورىنباسارى ايدا بالاەۆا ءجۇر­گىزدى. «جيىرما جىلدان استام ۋاقىتتان بەرى تاۋەلسىز قا­زاقستاننىڭ مەملەكەتتىك تۋى, ەلتاڭباسى جانە ءانۇرانى ەل رۋحىن كوتەرۋ, ەگەمەندىكتىڭ ءىر­گەتاسىن بەكىتۋ ماقساتىندا كوپ­تەگەن يگىلىكتى جۇمىستار اتقاردى دەپ بىلەمىن. ويتكەنى, سوڭعى جىلدارى جاستارىمىزدىڭ, جالپى ازاماتتارىمىزدىڭ ەل رامىزدەرىنە دەگەن كوزقاراسى مۇلدە وزگەردى. بۇگىندە كوك بايراعىمىز الەم­دىك دەڭگەيدەگى جارىستاردا, وليم­پيادالاردا جەلبىرەپ, جاس­تارعا پاتريوتتىق جىگەر بەرۋدە. وسى ۋاقىت ىشىندە ەلدىگىمىزدى بىلدىرەتىن, تاۋەلسىزدىگىمىزدى تۇ­عىرلاندىراتىن كوزقاراس قا­لىپتاسىپ, ەل بىرلىگى نىعايدى. وسى ورايدا ەرەكشە اتاپ وتەتىن ءبىر ماسەلە, ءالى دە بولسا ەلىمىزگە مەملەكەتتىك ناسيحات ءوز دارەجەسىندە بولماي تۇر. ءبىزدىڭ تۋىمىز ءار ۋاقىتتا جوعارى بولۋى كەرەك, ەلتاڭبا جانە ءانۇرانىمىز بىزگە كۇش-قۋات بەرەدى دەپ ويلايمىن», – دەدى ەلتاڭبا اۆ­تور­لارىنىڭ ­بىرى جانداربەك مالىبەكوۆ. «ءبىز رامىزدەر دەگەن ۋاقىتتا كوبىنە مەملەكەتتىك رامىزدەر ءتوڭى­رەگىندە ايتامىز. الايدا مەم­لەكەتتىك رامىزدەردىڭ قۇرام­داس بولىكتەرى قازاقستاننىڭ كورى­نىستەرى مەن ونىڭ قۇندى-قۇن­دى دەرەكتەرى دەر ەدىم. مۇ­نىڭ بارلىعىن دا ءبىر ءرامىز رە­تىندە ايتۋعا بولادى. ونى ەلبا­سىمىز ماڭگىلىك ەل دەپ ايتتى. ماڭگىلىك ەل دەگەن ءسوز – وتە ءۇل­كەن ماعىناداعى اۋقىمدى ۇعىم», – دەگەن مەملەكەت تاريحى ينس­تيتۋتى ديرەكتورىنىڭ ورىنبا­سارى امانگەلدى قاشقىمباەۆ ءبۇ­گىن­گىدەي شارالار جيىرەك ءوت­كىزى­لىپ تۇرسا دەگەن تىلەگىن ءبىل­دىردى. سونداي-اق, ول «اتا­مە­كەن» قازاقستان كارتاسى» ەتنومەمو­ريال­دىق كەشەنىندەگى ەلدىڭ تاما­شا كورىنىستەرى ەكسپو-2017 حا­لىق­­ارالىق كورمەسىندە دۇنيە ءجۇزى­نەن كەلگەن قوناقتارعا تاعى­لىمدى تۇرعىدان تانىستىرىلا تۇسسە دەگەندى دە نازاردان تىس قالدىرمادى. مەملەكەتتىك رامىزدەر تۋرالى زاڭنامانى ءتۇسىندىرۋ جانە تۇر­عىندار اراسىندا ەل رامىزدەرىن نا­سيحاتتاۋدى ماقسات ەتكەن اتالمىش وتىرىس وزگە دە پىكىر الماسۋلارمەن ماعىنالى جالعاسىن تاپتى. ءابدىراحمان قىدىربەك, «ەگەمەن قازاقستان».