كەڭەسكە قاتىسۋشىلار 2022 جىلعى جەلتوقساندا جانە 2023 جىلعى كوكتەمدە باعانىڭ كۇرت وسۋىنە جول بەرمەۋ اياسىندا قابىلدانىپ جاتقان جەدەل جانە جۇيەلى شارالاردىڭ بارلىق سپەكترىن قاراستىردى. جەدەل ءىس-شارالاردا دەلدالداردى انىقتاۋ جانە باعا تىزبەگىن تالداۋ جونىندەگى وڭىرلىك كوميسسيالاردىڭ جۇمىسىنا ۇلكەن ءرول بەرىلەدى. بۇل كوميسسيالاردىڭ جۇمىسىندا ءالى دە ناتيجە جوق.
«نەگىزگى ازىق-ت ۇلىك ونىمدەرىن ساتۋدىڭ دەلدالدىق سحەمالارىن تەرگەۋ جونىندەگى وڭىرلىك كوميسسيالاردىڭ جۇمىسى جۇيەسىز, قاراشا ايىندا بارلىعى 25 وتىرىس وتكىزىلدى. اتاپ ايتقاندا, تۇركىستان, قىزىلوردا, قاراعاندى, شىعىس قازاقستان, الماتى وبلىستارىندا جانە استانادا وتكەن ايدا بىردە-ءبىر وتىرىس وتپەدى. تيىسىنشە, ولاردىڭ جۇمىسى ناتيجەلى ەمەس. وتكەن اپتادا الماتى وبلىسىندا ءامات ساناتىنداعى 6 ءونىم بويىنشا (كۇرىش, سۇزبە, تۇز, تاۋىق ەتى, مايلىلىعى 2,5% ايران, 1-ساناتتاعى جۇمىرتقا) باعا 0,7%-عا, استانادا 0,5%-عا (1-سورتتاعى ۇن, 1-سۇرىپتى ۇننان جاسالعان نان, ءسابىز, پياز, قانت) قىمباتتادى. ساۋدا كوميتەتى ورال قۇس فابريكاسىنان جۇمىرتقا ساتىپ الىپ, ونى ساۋدا ۇستەمەسىنەن اسىرىپ ساتۋ فاكتىلەرىن انىقتادى. مۇنداي فاكتىلەر باسقا ايماقتاردا دا انىقتالىپ وتىر», دەدى ساۋدا كوميتەتى توراعاسىنىڭ مىندەتىن اتقارۋشى ايدار ابىلدابەكوۆ.
اۋىل شارۋاشىلىعى ۆيتسە-ءمينيسترى جەڭىس وسەرباي تۇراقتاندىرۋ قورلارى جۇمىسىندا قولدانۋعا بولاتىن ءۇش كەزەڭنەن تۇراتىن جاڭا تاسىلدەردى ۇسىندى. ستاتيستيكاعا سايكەس, بيىلعى ازىق-ت ۇلىك ينفلياتسياسىنا قانت (2022 جىلدىڭ 11 ايىندا 71,9%) جانە جەمىس-كوكونىس ونىمدەرىنىڭ (2022 جىلدىڭ مامىر-شىلدە ايلارى) باعاسىنىڭ كۇرت ءوسۋى اسەر ەتتى. جاڭا تاسىلدەر, سونىڭ ىشىندە ماۋسىمارالىق كەزەڭدە كوكونىس باعاسىنىڭ كۇرت ءوسۋىن بولدىرماۋعا جانە كەلەسى ماۋسىمعا دايىندىق كەزىندە نەگىزگى ازىق-ت ۇلىك وندىرۋشىلەرىنە قولجەتىمدى قارجىلاندىرۋدى بولۋگە باعىتتالعان.
«دەمالىس كۇنگى جارمەڭكەلەردى قايتا جانداندىرىپ, ادامدارعا ۇستەمە جانە دەلدالدارسىز قاجەتتى تاۋارلاردى ساتىپ الۋ ءۇشىن جاعداي جاساۋ قاجەت. مەن وڭىرلەرگە دەلدالدىق سحەمالار مەن باعا بەلگىلەۋ تىزبەكتەرىن زەرتتەۋ ءۇشىن اپتاسىنا كەمىندە ءۇش رەت وڭىرلىك كوميسسيا وتىرىستارىن وتكىزۋدى تاپسىرعان ەدىم. ناتيجەسىندە قازىر ساۋدا كوميتەتى ولاردىڭ قىزمەتىن تەكسەرىپ وتىر. بارلىق زاڭ بۇزۋشىلىقتار بىردەن بايقالادى, كوتەرمە جانە بولشەك ساۋدا باعالارىن سالىستىرۋ جەتكىلىكتى. وڭىرلىك كوميسسيالار وزدەرىنىڭ نەگىزگى فۋنكتسيالارىن ورىندامايدى, ءدال وسى كەزدە جەدەل جانە ۋاقتىلى جۇمىس ىستەۋ قاجەت. ءوز كەزەگىندە اۋىل شارۋاشىلىعى مينيسترلىگى تۇراقتاندىرۋ قورلارىنىڭ جۇمىسىن قايتا فورماتتاۋ جونىندەگى جۇمىستى جالعاستىرۋى قاجەت», دەپ تۇيىندەدى س.جۇمانعارين.
