اقتاۋ گارنيزونىنىڭ ءباسپاسوز قىزمەتى حابارلاعانداي, وقيعا 2022 جىلدىڭ 3 جەلتوقسانىندا بولعان.
«اقتاۋ اسكەري بولىمدەرىنىڭ ءبىرىنىڭ اسكەري قىزمەتشىسى ۇيدە بولعان كەزدە بەلگىسىز زاتتىڭ جارىلۋى سالدارىنان جاراقات الدى. اسكەري قىزمەتشىگە قاجەتتى مەديتسينالىق كومەك كورسەتىلدى. بولعان وقيعانىڭ ءمان جايى انىقتالىپ جاتىر», دەپ حابارلادى ۆەدومستۆو وكىلدەرى.
ءباسپاسوز قىزمەتى اتاپ وتكەندەي, وزگە اقپارات تەرگەۋ مۇددەسى ءۇشىن جاريا ەتىلمەيدى.
دارىگەرلەر جابىرلەنۋشىنىڭ جاعدايى جايلى اقپارات بەردى.
«1988 جىلى تۋعان ناۋقاس ەسىن جيعان. قازىر ونىڭ جاعدايى - ورتاشا, سول جاق بىلەك بۋىنىنىڭ تراۆماتيكالىق امپۋتاتسياسى, بەتتىڭ تەرميالىق كۇيىكتەرى, كوپتەگەن جارالار مەن ماگيسترالدىڭ, قولدىڭ جانە اياقتىڭ ابرازيالارى, كوز ايماعىندا كۇيىكتەر بار, كونيۋنكتيۆيت تە انىقتالدى», دەپ ناقتىلادى ماڭعىستاۋ وبلىستىق كوپسالالى اۋرۋحاناسىنىڭ ءباسپاسوز حاتشىسى گۇلميرا سۇتىباەۆا.
ونىڭ ايتۋىنشا, بۇگىن ەر ادام رەانيماتسيا بولىمىنەن تراۆماتولوگياعا اۋىستىرىلعان.
