2021 جىلدىڭ سايكەس كەزەڭىمەن سالىستىرعاندا, بۇل كورسەتكىش قۇندىق ماندە 18,1%-عا ارتىق, الايدا 2020 جىلعى قاڭتار-قازانمەن سالىستىرعاندا 16,1%-عا از.
Finprom دەرەكتەرى كورسەتكەندەي, وڭىرلەر بولىنىسىندە دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنا سالىنعان ينۆەستيتسيانىڭ ەڭ كوپ كولەمى استاناعا تيەسىلى: 51,1 ملرد تەڭگە. سونداي-اق جامبىل (15,6 ملرد تەڭگە) جانە شىعىس قازاقستان (15,3 ملرد تەڭگە) وبلىستارىنا دا ايتارلىقتاي قارجى قۇيىلعان. كۇردەلى سالىمداردىڭ ەڭ از كولەمى اتىراۋ جانە ۇلىتاۋ وبلىستارىندا بايقالدى: تيىسىنشە 447,6 ملن جانە 496,6 ملن تەڭگە.
دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنا ينۆەستيتسيانىڭ ەڭ كوپ كولەمى جەرگىلىكتى بيۋدجەتتەر ەسەبىنەن, سونداي-اق كاسىپورىنداردىڭ مەنشىكتى قاراجاتى ەسەبىنەن: تيىسىنشە 53,7 ملرد جانە 53,4 ملرد تەڭگەنى قۇراعان.
بۇل رەتتە, رەسپۋبليكالىق بيۋدجەتتەن قۇيىلعان ينۆەستيتسيا كولەمى 35,1 ملرد تەڭگەنى, بانكتىك ەمەس نەسيەلەر 21,5 ملرد تەڭگەنى, بانك نەسيەلەرى 5,2 ملرد تەڭگەنى عانا قۇرادى.
دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنداعى ورتاشا ايلىق اتاۋلى جالاقى 2022 جىلدىڭ ءۇشىنشى توقسانىندا 245,2 مىڭ تەڭگەنى قۇرادى, بۇل ورتاشا رەسپۋبليكالىق دەڭگەيدەن 18,2%-عا از.
