تەاتر • 04 جەلتوقسان، 2022

ستۋدەنتتىك تەاتر فەستيۆالى

100 رەت كورسەتىلدى

استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ستۋدەنتتىك تەاترلاردىڭ ءىى رەسپۋب­ليكالىق فەستيۆالى ءوتىپ جاتىر. وعان ەلىمىزدەگى جوعارى وقۋ ورىندارىنىڭ 11 شىعارماشىلىق ۇجىمى قاتىسىپ، وزدەرىنىڭ ۇزدىك قويىلىمدارىن ۇسىندى.

ءىس-شارانى ەۋرازيا ۇلتتىق ۋنيۆەرسيتەتىنىڭ «شاڭى­راق» ستۋدەنتتىك تەاترى ۇيىم­داس­تىردى. فەستيۆالدىڭ ماق­ساتى – جاستار شىعارماشى­لىعىن قولداپ، ستۋدەنتتىك تەاترلاردى دامىتىپ جانە جوعارى وقۋ ورىندارى اراسىنداعى بايلانىستى نىعايتۋ.

مازمۇندى بايقاۋعا باق سىناۋعا كەلگەن ستۋدەنتتىك تەاتر­لار مۇحاتار اۋەزوۆتىڭ «قوزى كورپەش – بايان سۇلۋ»، تاحاۋي احتانوۆتىڭ «كۇشىك كۇيەۋ»، تولەن ابدىكتىڭ «وڭ قول»، دۋ­لات يسابەكوۆتىڭ «ەسەپ­­­شوت، تۇيە­تاۋىق جانە دو­­­­مينو»، ت.ب. شى­عار­مالار­دىڭ جە­لىسىمەن جا­­زىلعان سپەك­تاكل­داردى ساحنالايدى.

مادەني شارانىڭ اشىلۋىندا ەۇۋ-دىڭ الەۋ­مەتتىك-ما­دە­ني دامۋ جو­نىن­­دەگى پرورەك­تورى ءلاززات نۇر­­قا­توۆا، مەم­­لە­كەت­­تىك ەلتاڭبا اۆتورى، پرو­­­فەس­­سور جانداربەك مالى­بە­­كوۆ، بەل­گىلى ءانشى، مەم­لە­كەت­تىك سىي­لىق­تىڭ لاۋرەاتى كەن­جە­عالي مىر­جىقباي ءسوز الىپ، جاس­تاردىڭ ونەرىنە سات­تىلىك تىلەدى.

«بۇگىندە ەلىمىزدەگى جوعارى وقۋ ورىندارى اراسىندا الەۋ­مەتتىك، ەستەتيكالىق، ۇيلە­سىم­دى كەڭىستىك قۇرىلدى. وعان جاستاردىڭ شىعارماشىلىعى زور ىقپال ەتەدى. ءبىزدىڭ ستۋ­دەنت­­تىك تەاترلار جاس ۇرپاق­تىڭ بويىنا رۋحا­ني-ادامگەر­شى­لىك قۇندىلىقتاردى سىڭىرگەن ۇلەسى زور. بۇل فەستيۆال ەلى­مىزدىڭ ءار تۇكپىرىنەن كەلگەن دارىنداردىڭ باسىن قوسادى»، – دەپ اتاپ ءوتتى ءلاززات نۇرقاتوۆا.

سونداي-اق تۇران ۋنيۆەر­سيتەتىنىڭ 2-كۋرس ستۋدەنتى اسەل قۋاتوۆا وسىنداي فەس­تي­­­ۆال­دىڭ ارقاسىندا تاجى­ري­بە جي­ناپ، جاڭا دوستارمەن جۇز­دەسەتىندىگىن ايتتى.

ء«بىز شىعارماشىلىق توبىمىزبەن تاريحى­مىزعا، انا تىلىمىزگە دەگەن قۇرمەت تا­قى­رى­بىن كوتەردىك. الاش ار­داقتىسى مىرجاقىپ دۋلا­ت ۇلىنىڭ «ويان، قازاق» سپەكتاكلى ار­قىلى ءوز تاري­حىمىزدى ءبىلۋ قاجەت ەكە­نىن جانە ونسىز بولا­شاق جوق ەكەنىن كوپشىلىككە جەت­كىزگىمىز كەلەدى»، – دەيدى جاس ونەرپاز.

جاس اكتەرلەر ۇسىنعان قو­يىلىمداردى قازاقستاننىڭ ەڭبەك سىڭىرگەن ءارتىسى كەن­جە­­عالي مىرجىقباي، ءازىر­باي­جان مامبەتوۆ اتىنداعى مەم­لەكەتتىك دراما جانە كومەديا تەاترىنىڭ ءارتىسى گۇلميرا جا­كيلينا، تۇڭعىش پرەزيدەنت قورى سىيلىعىنىڭ لاۋرەاتى، اكتەر، رەجيسسەر نۇرلان قاليەۆ، اكتەر، رەجيسسەر امان عۇماروۆ سەكىلدى كا­سىبي ما­مانداردان قۇرالعان قازى­لار باعالايدى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار