№15 جىلۋ ماگيسترالىندەگى تەحنولوگيالىق اقاۋ سالدارىنان قيزاتوۆ, زارەچنايا, جەڭىس, جۋكوۆ كوشەلەرىندەگى 16 كوپقاباتتى ءۇي مەن قيزاتوۆ, كىرپىشتى, زارەچنايا, جەڭىس, جۋكوۆ كوشەلەرىندەگى 42 جەر ءۇي جىلۋسىز قالىپ وتىر.
قالانى جىلۋمەن قامتۋعا جاۋاپتى «سەۆكازەنەرگو» اكتسيونەرلىك قوعامىنىڭ ءباسپاسوز قىزمەتى ارنايى بريگادا تاڭعى ساعات 10.00-دەن باستاپ جۇمىس ىستەپ جاتقانىن مالىمدەدى.
«ماماندار قۇبىرلاردى اۋىستىرۋعا كىرىستى. جىلۋ جەلىسى كومپانياسىنىڭ جۇمىسشىلارى جەدەل ارەكەت ەتىپ جاتىر. بۇل ۇيلەردى قايتا جىلۋعا جالعاۋ قيىندىق تۋعىزباۋى قاجەت», دەپ جازىلعان ءباسپاسوز قىزمەتىنىڭ مالىمەتىندە.
«سەۆكازەنەرگو» ونداعان ءۇي جىلۋسىز قالسا دا, وقيعانى شتاتتاعى جاعداي دەپ باعالاپ وتىر.
