«ميگ-31 اۋەگە كوتەرىلگەنىنە كوپ ۋاقىت وتپەستەن اپاتقا ۇشىرادى. ۇشاق الەكسەەۆكا اۋىلىنىڭ ماڭىنداعى ورمانعا قۇلادى. ال ەكيپاج سەكىرىپ ۇلگەرگەن», دەپ جازىلعان حابارلامادا.
ۇشقىشتىڭ جاعدايى تەكسەرىلىپ جاتىر.
«الدىن الا مالىمەت بويىنشا, زارداپ شەككەندەر مەن قيراعان نىساندار جوق», دەدى ەلدىڭ توتەنشە جاعدايلار قىزمەتى.
وقيعا تۋرالى اقپاراتتى شىعىس اسكەري وكرۋگىنىڭ ءباسپاسوز قىزمەتى دە راستادى. ميگ-31 ۇشاعى جوسپارلى وقۋ-جاتتىعۋ تاپسىرماسىن ورىنداۋ ءۇشىن كوككە كوتەرىلگەن.
وقيعا ورنىنا ىزدەۋ-قۇتقارۋ قىزمەتىنىڭ مي-8 تىكۇشاقتارى جىبەرىلگەن. الدىن الا مالىمەت بويىنشا, وقيعاعا تەحنيكالىق اقاۋ سەبەپ بولۋى مۇمكىن.
