جولى جىڭىشكە التىن جۇلدە

استانادا تاەكۆوندودان WTF تۇ­جى­رىمى بويىنشا ءحىح ازيا چەم­پيو­ناتى اياقتالدى. ءۇش كۇن بويى 24 ەلدىڭ 260-تان استام سپورتشىلارى قاتىسقان بايراقتى باسەكەدە قازاقستان قۇرا­ماسىنىڭ قىز-جىگىتتەرى ءبىر التىن, ءبىر كۇمىس جانە ءۇش قولا مەدالدى يەلەندى. بۇل سىندا ۇلتتىق قۇراما ساپىندا العاشقى جۇلدەنى 54 كيلو سالماقتا ناريمان شاكىروۆ, سۇلتان قاسىموۆ (80 كگ.) جانە قىزدار اراسىندا 46 كيلودا تاتاميگە شىققان ايجان ءاليجانوۆا جەڭىپ الدى. چەمپيوناتتىڭ ءبىرىنشى كۇنى قا­زاق­ستان قۇراماسىنىڭ قورجىنىنا ءۇش بىردەي قولا مەدال تۇسكەنىمەن, ءجۇل­دەلى ورىندارعا يە بولادى دەپ ءۇمىت ارت­قان كەيبىر سپورتشىلارىمىز قار­سى­لاستارىنان جەڭىلىپ قالدى. مۇندا قىز­دار اراسىندا 67 كيلودا سىنعا ءتۇس­كەن ستۋدەنتتەر اراسىنداعى دۇنيە­جۇ­زىلىك ۋنيۆەرسيادانىڭ جەڭىمپازى گۇل­نافيز ايتمۇحامەدوۆا, 57 كيلودا ەكا­تەرينا دميتريەۆا مەن جاۋىن­گەر­لىك جەكپە-جەكتەن ازيا ويىندارىنىڭ كۇ­مىس جۇلدەگەرى قايرات سارىمساقوۆ (67 كگ.) باسەكەلەستەرىنە ەسە جىبەرىپ الدى. باسەكەنىڭ ەكىنشى كۇنى وتان­داس­تا­رىمىزدىڭ بابى مەن باعى تاعى كەلىسە قويمادى. 63 كيلودا دارحان قا­سىم­قۇلوۆ, ايبار دۇيسەباەۆ (74 كگ.), داۋرەن ريزاەۆ (87 كگ.), قىزدار ارا­سىن­دا ازيا ويىندارىنىڭ كۇمىس جۇلدەگەرى ساۋلە سارداروۆا (53 كگ.) مەن 63 كيلودا تاتاميگە شىققان ەلۆيرا قابىرباەۆا جارىستارىن اياقتادى. وسى كۇنى فەرۋزا ەركەشوۆا (73 كگ.) بولماعاندا, ۇلتتىق قۇراما تاعى دا جۇلدەلى ورىنداردان قۇرالاقان قالاتىن ەدى. ءوز سالماعىندا اقتىق سىنعا دەيىن قارسىلاستارىنىڭ ءبارىن تازا جەڭگەن فەرۋزا قىتايلىق سپورت­شى حان يۋينگيۋينگتى 3:0 ەسەبىمەن ۇتتى. بۇل ونىڭ ازيا چەمپيوناتىندا جەڭىپ العان العاشقى التىن جۇلدەسى بولعاننان كەيىن كوڭىلىمىز ءبىر سەرپىلىپ قالعانى جاسىرىن ەمەس. ەندى جۇلدەنىڭ بىرىنەن سوڭ ءبىرى كەلەتىنىن كۇتكەن ءبىز تاتاميگە كەلەسى بولىپ شىعاتىن باسقا دا سپورتشىلارىمىزعا زور ءۇمىت ارتقان ەدىك. الايدا 57 كيلودا باسەكەگە تۇسكەن جاستار اراسىنداعى الەم چەم­پيو­نى جالعاس بەكتاسوۆ, ءالميرا ەس­مۇرزاەۆا (49 كگ.) مەن جۇلدىز كۇ­مىس­بەكوۆا (74 كگ.) ءۇمىتتى اقتاي المادى. وسىدان كەيىن بار ءۇمىت اقتىق سىنعا دەيىن كەزدەسۋلەردىڭ ءبارىن تازا ۇتقان بەيجىڭ وليمپياداسىنىڭ قولا جۇلدەگەرى ارمان ءشىلمانوۆ تا عانا قالعان بولاتىن. بىراق ارمان يران سپورتشىسىمەن بولعان فينالدىق باسەكەدە بار كۇش-جىگەرىن سالعانىمەن, قارسىلاسىن جەڭە المادى. ءسويتىپ, تاعى ءبىر كۇمىس قورجىنىمىزعا ءتۇستى. اقتىق ايقاس اياقتالعان سوڭ جەكپە-جەكتەرگە بايلانىستى پىكىرىن بىلدىرگەن ءشىلمانوۆ فينالدا بار كۇش-قايراتىن جۇمساعانىمەن بابىندا بولماعانىن, ويتكەنى, ونىڭ ەكى اينا­لىم­نان كەيىن بىردەن فينالعا جىبە­رىلگەنىن ايتتى. دەگەنمەن ول الداعى قىتايدا وتەتىن ازيا ويىندارى مەن تاشكەنتتە بولاتىن الەم چەم­پيو­نا­تىندا جۇلدەلى ورىندى مىندەتتى تۇردە جەڭىپ الاتىنىنا سەندىردى. استانادا وسىناۋ باسەكە الدىندا العاش رەت تاەكۆوندونىڭ ىرگەتاسى سانالاتىن “پۋمسە” ءتۇرى بويىنشا جا­لاۋىن كوتەرگەن ازيا چەمپيوناتىندا قا­ز­اقستان قۇراماسىنىڭ ءبىر التىن, ەكى كۇمىس جانە ەكى قولا مەدالدى جەڭىپ العانىن دا اتاپ وتكەنىمىز ءجون. سارى قۇرلىقتىڭ 15-تەن استام ەلدەرىنىڭ ساڭلاقتارى قاتىسقان بۇل سىندا باقىتجان ايازباەۆ پەن ناتاليا يۋگاي ءبىر جۇپتا ونەر كورسەتىپ, باس جۇلدەنى جەڭىپ الدى. داستان كەنجالين.