وقيعا • 02 جەلتوقسان، 2022

ەكىباستۇزداعى اپات: قالانىڭ ەكس-اكىمى پىكىر ءبىلدىردى

98 رەت كورسەتىلدى

ەكىباستۇزدا جىلۋ جەلىلەرىن اۋىستىرۋ جانە قايتا جاڭعىرتۋ جۇمىستارى كوپتەن بەرى جۇرگىزىلمەگەن. قالانىڭ بۇرىنعى اكىمى نۇرجان اشىمبەتوۆ جىلۋ ەلەكتر ورتالىعىنداعى اپاتقا قاتىستى پىكىر ءبىلدىردى، دەپ حابارلايدى Egemen.kz.

«شىنىمەن، ەكىباستۇزدا ۇلكەن اپات، ۇلكەن ماسەلە تۋىندادى. بۇل ماسەلە بىردەن تۋا قويعان جوق، ياعني جىلۋ جەلىلەرى مەن ەكىباستۇز جىلۋ ستانساسىنىڭ يەلەرى ءبىر كەزدەرى ولاردى كەشەن رەتىندە ساتىپ العان. بۇكىل اكتيۆتىڭ ىشىندە «ەكىباستۇز جەو» مەن «ەكىباستۇز جىلۋ جەلىلەرى» كاسىپورنى ەڭ ەسكى جانە ەڭ رەنتابەلدى شارۋاشىلىقتار سانالادى. ينۆەستورلار نەمەسە مەنشىك يەلەرى بۇعان ءمان بەرمەگەن سياقتى. ولار ينۆەستيتسيالىق سۋبسيديالار مەن تاريفتەردى ەسەپتەسە كەرەك، ءبارىن جاپپاي ساتىپ الدى»، دەدى نۇرجان اشىمبەتوۆ Telegram ارنالارىنىڭ بىرىندە جاريالانعان ۆيدەو ۇندەۋىندە.

ن.اشىمبەتوۆ ەكىباستۇز قالاسىنىڭ اكىمى بولىپ 2018 جىلدىڭ تامىز ايىندا تاعايىندالعانىن ەسكە سالدى.

ء«بىرىنشى ماسەلە مۋنيتسيپالدى شارۋاشىلىقتا تۋىندادى. قالانىڭ كوممۋنالدىق مەنشىگىندەگى سۋ جەلىلەرى قازىر سەنىمگەرلىك باسقارۋعا بەرىلگەن ەكەن. ال جوندەۋ جۇمىستارىن جۇرگىزگەن كەزدە جىلۋمەن جۇمىس ىستەيتىندەر ءوز جۇمىستارى مەن جوبالارىندا سۋ جەلىلەرىن اۋىستىرۋدى ەسكەرمەگەن. ياعني، سۋ جەلىلەرىن سول ەسكى ناۋاعا قالدىرىپ، جەلىلەرىن بولەك تارتىپ العان. سپۋتنيكتىك جىلۋ قۇبىرلارى جوق، سۋ جەلىلەرى جالاڭاش قالىپ قويعان. سودان كەيىن ءبىز بۇل ماسەلەنى شەشتىك. كەلەسى جوبالارعا سۋ قۇبىرى جەلىلەرىن ەسەپكە الۋ مەن جاڭعىرتۋدى ەنگىزۋ كەرەك دەگەن ماقسات قويدىق»، دەدى قالانىڭ بۇرىنعى اكىمى.

نۇرجان اشىمبەتوۆتىڭ ايتۋىنشا، جوبا قورعالعان.

«بىرلەسكەن جوبالاردى قولعا الدىق، سۋ قۇبىرىن اۋىستىرۋعا بيۋدجەتتەن قارجى ءبولىندى. وسى ماسەلەلەردىڭ بىرقاتارى جويىلدى. ەندى، شاماسى، كەلەشەكتە مەن قىزمەتتەن كەتكەننەن كەيىن جىلۋ جەلىلەرىن اۋىستىرۋدى توقتاتتى. وسى ارالىقتا جىلۋ جەلىلەرىن اۋىستىرۋ، قايتا جاڭعىرتۋ جۇمىستارى جۇرگىزىلمەدى دەپ ويلايمىن»، دەدى ن.اشىمبەتوۆ.

بريفينگ بارىسىندا پاۆلودار وبلىسى اكىمىنىڭ مىندەتىن اتقارۋشى ولەگ كرۋك ەكىباستۇز قالاسىن جىلۋمەن، سۋمەن جانە ەلەكترمەن قامتۋ جاعدايىنا توقتالدى.

27 قاراشاعا قاراعان ءتۇنى ەكىباستۇزدا بىرنەشە قازاندىق بىردەن توقتادى.

تاڭەرتەڭ ماماندار 8 جانە 14 قازاندىق اگرەگاتتارىن ىسكە قوسىپ جاتقانى بەلگىلى بولدى. جوندەۋ بريگادالارى ۇيىمداستىرىلدى. جاعدايعا پاۆلودار وبلىسىنىڭ اكىمى ابىلقايىر سقاقوۆ پەن ەكىباستۇز قالاسىنىڭ اكىمى ايان بەيسەكين دە تۇسىنىكتەمە بەردى. ولاردىڭ ايتۋىنشا، جىلۋ جۇيەلەرىندە 10 ءب ۇلىنۋ ورنى انىقتالعان.

ەنەرگەتيكا مينيسترلىگى جىلۋ جەلىلەرىنىڭ زاقىمدانۋى ەكىباستۇز جەو قازاندىقتارىنىڭ توقتاپ قالۋىنا سەبەپ بولعانىن حابارلادى. ناتيجەسىندە قالادا توتەنشە جاعداي جاريالاندى.

قازاقستان رەسپۋبليكاسىنىڭ پرەزيدەنتى ۇكىمەت پەن پاۆلودار وبلىسىنىڭ اكىمدىگىنە جاقىن كۇندەرى ەكىباستۇزداعى جاعدايدى قالىپقا كەلتىرۋدى، قالادا كۇردەلى جاعدايدىڭ تۋىنداۋىنا جول بەرگەندەردى جاۋاپكەرشىلىككە تارتۋدى تاپسىردى.

1 جەلتوقسان ساعات 08:00 جاعداي بويىنشا No 6، 8،9،12،14،15 التى قازاندىق جۇمىس ىستەيدى; رەزەرۆتە ءتورت قازاندىق بار (5،7،11،13). 132 كوپقاباتتى ۇيگە جىلۋ بەرۋ قالپىنا كەلتىرىلدى، 5ا، 5ب جانە 6 شاعىناۋداندارىنداعى 114 جەكە تۇرعىن ءۇي جانە 13 الەۋمەتتىك نىسان، 17 كوپقاباتتى ءۇي ورتالىقتاندىرىلعان جىلۋ جۇيەسىنە قوسىلماعان.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار