قاسىم-جومارت توقاەۆ فرانتسياعا كۇردەلى گەوساياسي جاعداي كەزىندە كەلدى. دەگەنمەن پاريجدەگى كەزدەسۋلەردىڭ ساياسي اسپەكتىسىنە توقتالساق, ودان ەشقانداي قاۋىپ, ساياسي وزگەرىس كۇتۋگە بولمايدى. جالپى, ق.توقاەۆ پرەزيدەنتتىگىنىڭ باسىنان باستاپ ەلدى ناقتى دەموكراتيالاندىرۋعا: پرەزيدەنتتىك ينستيتۋتتىڭ ساياسي ىقپالىن ازايتۋعا جانە ەل ومىرىندەگى پارلامەنتتىڭ ءرولىن ارتتىرۋعا بەت بۇردى. بۇل ەۋروپالىق ساياسي قۇندىلىقتار پاراديگماسىنا تولىعىمەن سايكەس كەلەدى, اسىرەسە, مۇنداي باسقارۋدى فرانتسيا قولدايدى. ال ساياسي قۇندىلىقتاردىڭ سايكەس كەلۋى ەلدەر اراسىنداعى ەكونوميكالىق ىنتىماقتاستىقتى نىعايتۋعا ىقپال ەتەدى. ەۋروپالىق وداق – جالپى ينۆەستيتسيا كولەمى 160 ميلليارد دوللاردى قۇرايتىن قازاقستان ەكونوميكاسىنىڭ ەڭ ءىرى ينۆەستورى. ءوز كەزەگىندە قازاقستان – 24 ميلليارد دوللاردى قۇرايتىن ەكىجاقتى ساۋداسىمەن ەو-نىڭ ايماقتاعى جەتەكشى ساۋدا سەرىكتەسى. بۇگىنگى تاڭدا قازاقستان 170-تەن استام فرانتسۋز كومپانياسىمەن بايلانىس ورناتقان.
