«كەزدەسۋ بارىسىندا قاسىم-جومارت توقاەۆ ەممانيۋەل ماكرونعا فرانتسياعا شاقىرعانى جانە قازاقستان پرەزيدەنتى بولىپ قايتا سايلانۋىمەن شىن جۇرەكتەن قۇتتىقتاعانى ءۇشىن العىس ايتتى», دەپ حابارلادى قازاقستان پرەزيدەنتىنىڭ رەسمي وكىلى. ق.توقاەۆ سونداي-اق فرانتسۋز ارىپتەسىن قازاقستاندا جۇرگىزىلىپ جاتقان ساياسي جانە ەكونوميكالىق رەفورمالار تۋرالى حاباردار ەتىپ, ونى جاقىن ارادا قازاقستانعا كەلۋگە شاقىردى.
ە.ماكرون ءوز كەزەگىندە قازاقستاندى فرانتسيانىڭ «ستراتەگيالىق سەرىكتەسى» دەپ اتادى. ول سونىمەن قاتار 2024 جىلى قازاقستاندا فرانتسۋز ءتىلىن ۇيرەتەتىن جاڭا مەكتەپتەر اشىلاتىنىن حابارلادى. تاراپتار ەكى ەلدىڭ ءبىلىم جانە مادەنيەت سالالارىنداعى بايلانىستارىن نىعايتۋ جونىندە جان-جاقتى پىكىر الماستى, سونداي-اق حالىقارالىق كۇن تارتىبىندەگى وزەكتى ماسەلەلەردى جانە ورتالىق ازياداعى جاعدايدى تالقىلادى.
وتكەن جىلى قازاقستان مەن فرانتسيا 2030 جىلعا دەيىنگى ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ جول كارتاسىن بەكىتكەن ەدى.
