ونەر • 30 قاراشا، 2022

شەرتپە كۇيلەر شەرۋى

83 رەت كورسەتىلدى

قازاق كۇي ونەرى دەگەندە، ونىڭ ۇلكەن مەكتەبىنە جاتاتىن شەرتپە كۇيلەرگە سوقپاي كەتە المايمىز. وسى ورايدا، 1-3 جەلتوقسان ارالىعىندا الماتىدا وتەتىن رەسپۋبليكالىق «شەرتپە كۇي» ءداستۇرلى مۋزىكا فەستيۆالى – ۇلت رۋحانياتىن ناسيحاتتاۋدا ۇلكەن وقيعاعا اينالماقشى. بۇل تۋرالى ورتالىق كوممۋنيكاتسيالار قىزمەتى الاڭىندا قازاق ۇلتتىق ونەر ۋنيۆەرسيتەتىنىڭ پروفەسسورى، كۇيشى جانعالي جۇزباەۆ ءمالىم ەتتى.

«قازاقتىڭ كۇي ونەرى ءار­تۇر­لى جانردان، ايماقتىق ەرەك­شە­لىكتەردەن تۇراتىنى بەلگىلى. سو­لاردىڭ اراسىندا مانەرگە باي ءداستۇرلى بولىگى – شەرتپە كۇي. سون­دىقتان شەرتپە كۇي­لەرگە ار­نالعان فەستيۆال بىرىن­شى­دەن كۇي سايىسى، ەكىنشىدەن قازاق­ستان­نىڭ تۇكپىر-تۇكپىرىندەگى تا­­لانت­­تى ورىنداۋشىلار باس قو­­سىپ، سۇحباتتاساتىن كۇي جار­مەڭ­­كەسى بولماق. كونكۋرس باع­­دار­لاماسىندا ەلىمىزدىڭ وڭىر­لەرىندە دامىعان كۇيشىلىك مەك­تەپتەر­دىڭ، سونداي-اق قازاقتىڭ كلاسسيكا­لىق كۇي مەكتەبىن جاسا­عان ءىرى تۇلعالار – تاتتىمبەت، قو­جەكە، سۇگىر، الشەكەي، بەيس­ەم­بى سياقتى ءىرى كۇيشىلەردىڭ شىعارمالارى، حالىق كۇيلەرى ورىندالادى. فولكلورلىق سانامىزدا قالعان كونە سازدار دا وسى فەستيۆال اياسىندا تارتىلادى. جاڭا زامان كومپوزيتورلارىنىڭ شەرتپە كۇي سالاسىنداعى ەڭبەكتەرى دە قامتىلادى. كەشەگى ءىرى كۇيشىلەر ت.مومبەكوۆ، ك.كۇمىسبەكوۆ، اتاق­تى ن.تىلەنديەۆتەن قالعان ادەمى شەرتىس، وسى زامانداعى س.تۇرىس­بەكوۆ، ب.ىسقاقوۆ، م.ابۋعازى سياقتى مايتالمان كۇيشىلەرگە دەيىن جالعاسقان تاماشا مانەر بار، ءداستۇر بار. وسىنىڭ ءبارى كۇي باعدارلاماسىنا ارنايى ەنگىزىلدى. بۇل كۇي ونەرىنىڭ تويى بولماق»، دەدى كۇيشى جانعالي ءالىمحان ۇلى.

مادەنيەت جانە سپورت مي­نيس­ترلىگى مادەنيەت كوميتەتى تور­اعاسىنىڭ ورىنباسارى دانيار اليەۆتىڭ ايتۋىنشا، قازاق ونەرى مەن مادەنيەتىن ناسيحاتتاۋ ماقساتىندا قولعا الىنعان ءىرى جوبالار اراسىنان ويىپ ورىن الاتىنى – وسى «شەرتپە كۇي» فەستيۆالى 1-3 جەلتوقسان ارالىعىندا ال­ماتى قالاسىندا مەجەسىنە جەتەدى.

قازىرگى جاھاندانۋ زامانىندا سانانىڭ دەكولونيزاتسياسىن ساقتاپ قالاتىن جاۋھارلاردىڭ ءبىرى كۇي ونەرى دەسەك، قاتەلەسپەيمىز. بۇل مۇرانى ۇلتتىق ءداستۇرىمىزدىڭ مايەگى رە­تىن­دە دە اتاپ وتۋگە ابدەن تۇرار­لىق.

قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ ديرەكتورى مەدەت قۋانىشەۆ «شەرتپە كۇي» ءداستۇرلى مۋزىكا فەستيۆالى قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ بازاسىندا العاش رەت ۇيىمداستىرىلىپ وتىرعانىن اتاپ ءوتتى. بۇعان دەيىن مۇنداي شارا رەسپۋبليكا كولەمىندە تال­دىقورعان قالاسىندا وتكەن بولاتىن. بايقاۋ 2 تۋردان تۇرادى جانە فەستيۆالدىڭ جابىلۋى بولادى. قازىلار القاسىنىڭ قۇرامىنا جانعالي ءجۇزباي، سەكەن تۇرىس­بەك، ءبىلال ىسقاق، مۇرات ابۋعازى، باتىرجان مىقتىباەۆ ەندى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار