بىرقاتار زاڭ جوبالارى ماقۇلداندى

پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن جالپى وتىرىستا “مەملەكەتتىك م ۇلىك تۋرالى” زاڭ جوباسى ءبىرىنشى وقىلىمدا تالقىعا سالىندى, دەپ حابارلادى وسى پالاتانىڭ ءباسپاسوز قىزمەتى. ەكونوميكالىق دامۋ جانە ساۋدا ءمينيسترىنىڭ ورىنباسارى قۋاندىق بيشىمباەۆ بايانداما جاساپ, زاڭ جوباسىنىڭ ماقساتى مەملەكەتتىك م ۇلىككە مەملەكەتتىك قۇقىقتى ءجۇ­زە­گە اسىرۋ پروتسەسىندە قالىپتاساتىن قاتىناستاردى رەتتەيتىن قۇقىقتىق نەگىزدەردى, پرينتسيپتەر مەن ەرە­جە­لەردى بەكىتۋ جولىمەن مەملەكەتتىك م ۇلىكتى باسقارۋ سالاسىنداعى زاڭ­نا­مانى, سونداي-اق ونىڭ ءتيىمدى پاي­دا­لانىلۋىن باقىلاۋ جونىندەگى قا­تىناستاردى جەتىلدىرۋ ەكەنىن ايتتى. اتالعان زاڭ اكتىسى جانە سوعان سايكەس كەيبىر زاڭدارعا تۇزەتۋلەر ەنگىزۋدى كوزدەيتىن زاڭ جوباسى ءبىرىنشى وقىلىمدا ماقۇلداندى. ەندى ءماجىلىستىڭ ەكونوميكالىق رە­فورما جانە وڭىرلىك دامۋ كوميتە­تى­نىڭ مۇشەسى ەلەنا تاراسەنكو جە­تەكشىلىك ەتەتىن جۇمىس توبى زاڭ جو­باسىن ەكىنشى وقىلىمعا دايىندايدى. پالاتانىڭ جالپى وتىرىسىندا ەلىمىزدىڭ كەيبىر زاڭدارىنا قازاقستاننىڭ “ەلەكتروندىق ۇكىمەتىن” دامىتۋعا قاتىستى زاڭ جوباسى ەكىنشى وقىلىمدا تالقىعا ءتۇستى. ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى شاۆحات وتەمىسوۆ بايانداما جاسادى. ايتا كەتۋ كەرەك, وسى زاڭ جوباسى اعىمداعى جىلعى ءساۋىردىڭ 21-ءى كۇنى ءبىرىنشى وقىلىمدا ماقۇلدانعان بولاتىن. كەلەسى كەزەكتە ساقتاندىرۋ ماسەلەلەرىن رەتتەۋگە باعىتتالعان زاڭ جوباسىنىڭ ەكىنشى وقىلىمعا دايىندالعاندىعى جونىندە قارجى جانە بيۋدجەت كوميتەتىنىڭ مۇشەسى سەيىتسۇلتان ايىمبەتوۆتىڭ مالىمەتى تىڭدالدى. زاڭ جوباسىن ەكىنشى وقىلىمعا دايىنداۋ بارىسىندا دەپۋتاتتار ناقتىلاۋ سيپاتىنداعى ءۇش تۇزەتۋ ەنگىزگەن, ولارعا جۇمىس توبىنىڭ مۇشەلەرى قولداۋ بىلدىرگەن. دەپۋتاتتار بۇل زاڭ جوباسىن دا تولىقتاي ماقۇلداۋ جونىندە ورتاق شەشىمگە كەلدى. ايباتىر سەيتاق,  جۋرناليست.