ءىس-شارا ناتيجەسىندە 17 باس مال ۇرلاعان ءۇش قىلمىسكەر ۇستالدى. ۇرلانعان مالدار يەلەرىنە قايتارىلدى.
بۇدان باسقا, پوليتسەيلەر وبلىستىق اۆتوجولداردا, مال جانە ەت قابىلداۋ ورىندارىندا تاسىمالداناتىن مالعا قۇجاتتاردى تەكسەرۋدى جۇزەگە اسىرۋدا. مۇنداي رەيدتەر بارىسىندا قر اقبتك-ءنىڭ 406-بابى (مال مەن ەتتى تاسىمالداۋ ەرەجەلەرىن بۇزۋ) بويىنشا 15 بۇزۋشىلىق انىقتالدى.
سونداي-اق مال جايۋ بويىنشا حالىقپەن پروفيلاكتيكالىق جۇمىس جۇرگىزىلۋدە, ويتكەنى بۇل قىلمىسكەرلەر ءۇشىن وڭاي پايدا. مىسالى, 26 قاراشادا امانگەلدى اۋدانىنىڭ پوليتسيا بولىمىنە ءبىر اي بۇرىن ەركىن جايىلىمنان 14 باس جىلقىنىڭ جوعالعانى تۋرالى وتىنىشپەن جەرگىلىكتى تۇرعىن جۇگىندى. بۇل فاكت تىركەلدى. جۇرگىزىلگەن ىزدەستىرۋ ءىس-شارالارى بارىسىندا جىلقىلار كەنتتەن 70 شاقىرىم قاشىقتىقتا تابىلىپ, يەسىنە قايتارىلدى. وسىعان بايلانىستى ەر ادام پوليتسياعا العىس سوزدەرىمەن جۇگىندى.
قر اقبتك-ءنىڭ 408-بابى (اۋىل شارۋاشىلىعى جانۋارلارىن ۇستاۋ قاعيدالارىن بۇزۋ) بويىنشا ءجپىش جۇرگىزۋ كەزىندە بارلىعى 60-تان استام ازامات اكىمشىلىك جاۋاپكەرشىلىككە تارتىلدى. پوليتسەيلەر وبلىس تۇرعىندارىنا مالدىڭ ساقتالۋىن قامتاماسىز ەتۋ جانە ونى تاسىمالداۋ كەزىندە ەرەجەلەردى ساقتاۋ قاجەتتىگى تۋرالى ەسكەرتەدى.
