ەكونوميكا • 30 قاراشا، 2022

1 ترلن تەڭگەنىڭ ءونىمىن ءوندىردى

37 رەت كورسەتىلدى

سولتۇستىك قازاقستان وبلىسىنىڭ جۇرتشىلىعى اۋىل شارۋاشىلىعى ەڭبەك­كەرلەرىنىڭ كۇنىن س.مۇقانوۆ اتىنداعى قازاق سازدى-درامالىق تەاترىنىڭ جاڭا عيما­راتىندا اتاپ ءوتتى. اۋىلدان كوپ شىعا قويمايتىن ديقاندار مەن مالشى­لار­دىڭ ءجۇزى جادىراڭقى. ويتكەنى بيىلعى جاز بەن كۇز شارۋاعا جايلى، تابىستى بولدى.

«ەڭبەك ەتكەننىڭ ەڭسەسى بيىك» دەگەن ءسوز بار. كۇز ماۋسىمى – دالا ەڭبەككەرلەرىنىڭ مەرەيى تاسىپ، ابىرويى اسقاقتايتىن كەزەڭ. بيىل دا ءوڭىر ديقاندارى استىقتان مول ءونىم الىپ، ەل قامباسىن التىن دانگە تولتىردى. وسىنداي بيىك ناتيجەگە جەتكەن، ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتىپ وتىرعان ادامداردىڭ الدىندا باسىمىزدى ءيىپ، العىسىمىزدى ايتامىز»، دەدى وبلىس اكىمى قۇمار اقساقالوۆ.

ءوڭىر باسشىسىنىڭ ايتۋىنشا، ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە سولتۇستىكقازاقستاندىقتار دا تولىمدى ۇلەس قوسىپ وتىر. بيىلعى 10 ايدىڭ قورىتىندىسىنا قاراعاندا، قىزىلجار ءوڭىرى 1 ترلن تەڭگەدەن استام اۋىل شارۋاشىلىعى ونىمدەرىن دايىنداپ، رەسپۋبليكا بويىنشا العاشقى ورىنعا شىقتى. سونىڭ ىشىندە استىقتىڭ 25 پايىزىن، مايلى داقىلداردىڭ 35 پايىزىن جينادى. ىشكى نارىقتى اۋىل شارۋاشىلىعى ونىمدەرىمەن تولىقتىرۋ 85 پايىزعا جەتتى.

وبلىس الەۋمەتتىك ماڭىزى بار دەپ تانىلعان 19 ءتۇرلى ازىق-ت ۇلىك تاۋارلارىنىڭ 15 ءتۇرىن وندىرەدى. ماشي­نا-تراكتور پاركىن جاڭعىرتۋ، مينەرالدى تىڭايت­قىشتار سەبۋ، مال شارۋاشىلىعى شيكى­زات­تارىن وڭدەۋ، ءسۇت ءوندىرۋ مەن وڭدەۋ ءون­دىرىسى بويىنشا الدىڭعى قاتارعا شىقتى.

بيىل سولتۇستىك قازاقستاندا ىسكە قوسىلۋى جوسپارلانعان 8 تاۋارلى ءسۇت كەشەنىنىڭ ەكەۋى پايدالانۋعا بەرىلدى. ونىڭ ىشىندە 1 800 سيىر ساۋاتىن ءىرى فەرما دا بار. قالعان التاۋى جىل سوڭىنا دەيىن پايدالانۋعا بەرىلەدى. حالىقتى قۇس ەتىمەن قامتۋ، يمپورتتى الماستىرۋ ماسەلەسى دە كۇن تارتىبىنەن تۇسكەن جوق. بۇگىندە وبلىستا 6،5 مىڭ توننا جانە 10 مىڭ توننا قۇس ەتىن وندىرەتىن ەكى قۇس فابريكاسى سالىندى. ءوڭىر ەڭبەككەرلەرى نارىقتى ەكولوگيالىق تۇرعىدان تازا، ساپالى ونىمدەرمەن قامتاماسىز ەتۋدە.

سالتاناتتى ءىس-شارادا بيىلعى ەڭبەك جەتىستىكتەرىنە بايلانىستى مەملەكەتتىك ماراپاتتار مەن وبلىس اكىمىنىڭ گراموتالارى، العىسحاتتارى تاپسىرىلدى. ماسەلەن، پرەزيدەنت ق.توقاەۆتىڭ جارلىعىمەن شال اقىن اۋدانىنداعى «اسىل لوگيستيكس» جشس ديرەكتورى عابيدەن بالعىنبەكوۆ «قۇرمەت» وردەنىمەن ناگرادتالسا، وبلىس اكىمىنىڭ قۇرمەت گراموتاسىمەن ماراپاتتالعان سەگىز شارۋانىڭ ءبىرى – اققايىڭ اۋدانىنداعى «سق تاجىريبەلىك ستانساسى» جشس مەحانيزاتورى ماكسيم دجۋ «ەڭبەگىمدى ەلەگەنگە ريزامىن. بۇل ماراپات مەنى جاڭا ەڭبەك جەتىستىكتەرىنە جەتەلەيدى»، دەدى. سونداي-اق التى ادام وبلىس اكىمىنىڭ العىسحاتىن الدى.

جيىن سوڭى مەرەكەلىك كونتسەرتكە ۇلاستى.

 

سولتۇستىك قازاقستان وبلىسى

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار