ەكونوميكا • 29 قاراشا، 2022

قازاقستان مەن قىتاي اراسىنداعى تاۋار اينالىمى ارتتى

50 رەت كورسەتىلدى

پرەمەر-مينيستر ءاليحان سمايىلوۆ پەن قحر مەملەكەتتىك كەڭەسىنىڭ پرەمەرى لي كەتسيان بەينەكونفەرەنتسبايلانىس رەجيمىندە وتكەن ەكىجاقتى كەلىسسوزدەر بارىسىندا قازاقستان-قىتاي ىنتىماقتاستىعىن نىعايتۋدىڭ وزەكتى ماسەلەلەرىن تالقىلادى، دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.

اتاپ ايتقاندا، ساۋدا-ەكونوميكالىق جانە كولىك-ترانزيتتىك سالالاردا، ەنەرگەتيكا، ماشينا جاساۋ، اۋىل شارۋاشىلىعى، ەكولوگيا، تۋريزم، قارجى سەكتورى جانە يننوۆاتسيالىق تەحنولوگيالار سالاسىنداعى ءوزارا ءىس-قيمىل ماسەلەلەرى قوزعالدى.  

ءوز سوزىندە ءاليحان سمايىلوۆ وتكەن جىلدىڭ قورىتىندىسى بويىنشا قازاقستان مەن قىتاي اراسىنداعى تاۋار اينالىمىنىڭ كولەمى 14%-عا ارتىپ، $18 ملرد-قا جەتكەنىن اتاپ ءوتتى. سونىمەن قاتار بيىل ايتارلىقتاي ءوسىم تىركەلىپ وتىر، 10 ايدا بۇل كورسەتكىش شامامەن 33%-عا ءوسىپ، $19،7 ملرد-تى قۇرادى.  

«مەملەكەتتەر باسشىلارى 2030 جىلعا قاراي تاۋار اينالىمىن $35 ملرد-قا دەيىن ۇلعايتۋدى ماقسات ەتىپ قويدى. ءبىز قىتايلىق ارىپتەستەرىمىزبەن بىرگە وسى اۋقىمدى مىندەتتى ىسكە اسىرۋعا دايىنبىز»، دەپ اتاپ ءوتتى پرەمەر-مينيستر.

ونىڭ ايتۋىنشا، جەتكىزىلەتىن تاۋارلار مەن قىزمەتتەردىڭ نومەنكلاتۋراسىن ودان ءارى كەڭەيتۋ، سونداي-اق ەكى ەلدىڭ ىسكەر توپتارى اراسىندا تىكەلەي بايلانىس ورناتۋ قاجەت. اتاپ ايتقاندا، قازاقستان وڭ ساۋدا ترەندىن نىعايتۋعا جانە قىتايعا 135 تاۋار پوزيتسياسى بويىنشا ءوز ءونىمىنىڭ ەكسپورتىن ۇلعايتۋعا دايىن. 

ىنتىماقتاستىقتىڭ باسقا دا باسىم باعىتتارى رەتىندە ءاليحان سمايىلوۆ مۇناي-گاز سەكتورىندا جانە ماشينا جاساۋدا جاڭا جوبالاردىڭ ىسكە قوسىلۋىن، تەمىرجول جۇك تاسىمالدارىن دامىتۋدى، ونىڭ ىشىندە قازاقستان مەن قىتاي اراسىنداعى ءۇشىنشى تەمىرجول وتكىزۋ پۋنكتىن اشۋدى، سونداي-اق شەكاراداعى اۆتوموبيل وتكىزۋ پۋنكتتەرى جۇمىسىنىڭ تيىمدىلىگىن ارتتىرۋدى اتاپ ءوتتى.

سونىمەن قاتار پرەمەر-مينيستر قازاقستاندىق اۋىل شارۋاشىلىعى ونىمدەرىنىڭ ەكسپورتى ءۇشىن كەدەرگىلەردى الىپ تاستاۋدىڭ، جولاۋشىلار اۆيارەيستەرىنىڭ سانىن ارتتىرۋدىڭ جانە ترانسشەكارالىق وزەندەردى پايدالانۋ مەن قورعاۋ جونىندەگى ءوزارا ءىس-قيمىلدى جانداندىرۋدىڭ ماڭىزدىلىعىن ايتتى.

ء«بىز بەلسەندى ديالوگقا دايىنبىز. قازاقستان-قىتاي ستراتەگيالىق ارىپتەستىگىنىڭ جوعارى ديناميكاسى بارلىق باعىتتار بويىنشا داميتىنىنا سەنىمدىمىن»، دەدى ءاليحان سمايىلوۆ.

ءوز تاراپىنان لي كەتسيان قىتاي قازاقستاندى دوستىق بايلانىستاعى كورشىلەس ەل جانە ماڭىزدى ساۋدا سەرىكتەسى رەتىندە قاراستىراتىنىن اتاپ ءوتتى. ونىڭ ايتۋىنشا، قحر جۇكتەردى جانە اۋىل شارۋاشىلىعى ونىمدەرىن جەتكىزۋدى ۇلعايتۋعا، ەنەرگەتيكا سالاسىنداعى جاڭا جوبالاردى ىسكە قوسۋعا، سونداي-اق گۋمانيتارلىق بايلانىستار مەن قورشاعان ورتانى قورعاۋ سالاسىنداعى ءوزارا ءىس-قيمىلدى دامىتۋعا ەرەكشە قىزىعۋشىلىق تانىتىپ وتىر. 

ء«بىز قازاقستاندىق ارىپتەستەرىمىزبەن بىرلەسىپ، ەلدەر اراسىنداعى ەكىجاقتى قاتىناستاردى نىعايتۋ ءۇشىن جۇمىس ىستەۋگە دايىنبىز»، دەدى لي كەتسيان.

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

ۇقساس جاڭالىقتار