اقمولا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى دانيار قۋانىشباەۆتىڭ ايتۋىنشا, قازىرگى ۋاقىتتا قازاندىق قالىپتى جۇمىس ىستەپ تۇر.
اۋىلداعى ەمحانا, كىتاپحانا سياقتى الەۋمەتتىك نىساندار قالىپتى +20°س تەمپەراتۋرادا جۇمىس ىستەيدى.
«اۋىلداعى قازاندىقتاعى اقاۋعا بايلانىستى تەمپەراتۋرانىڭ ۋاقىتشا تومەندەۋى بايقالدى. اسىرەسە تۇرعىنداردىڭ پاتەرلەرىندەگى تەمپەراتۋراعا باقىلاۋ كۇشەيتىلدى. قازىر تەمپەراتۋرا كوتەرىلىپ جاتىر. تۇرعىن ۇيلەردى تۇراقتى تەكسەرۋ پاتەرلەردىڭ كوپشىلىگىندە +20°C, كەي جەرلەردە +22°C تەمپەراتۋرادا ەكەنىن كورسەتەدى», دەدى بۋراباي اۋدانى اكىمىنىڭ ورىنباسارى ەرلان بيدانوۆ.
ەسكە سالايىق, اقمولا وبلىسى بۋراباي اۋدانىنا قاراستى بۋراباي جانە وقجەتپەس اۋىلدارىنىڭ تۇرعىندارى پاتەرلەرىندە جىلۋ جوقتىعىن ايتىپ شاعىمدانعان بولاتىن. تەرمومەترلەر 5-15 گرادۋستى كورسەتتى. اۋىلداعى ءبىر مەكتەپتىڭ وقۋشىلارى قاشىقتان وقىتۋ فورماتىنا كوشتى. شەنەۋنىكتەر قازاندىقتىڭ جۇمىس ىستەپ تۇرعان جابدىقتارىنداعى تەحنولوگيالىق اقاۋعا بايلانىستى نە بولىپ جاتقانىن ءتۇسىندىردى.
