2020 جىلدىڭ قىركۇيەگىندە تالدىقورعان قالاسىنىڭ پوليتسيا قىزمەتكەرلەرىنە 29 جاستاعى جەرگىلىكتى تۇرعىن ارىزدانىپ, وزىنە زورلىق كورسەتتى دەگەن ايىپپەن تانىسىنا شارا قولدانۋدى تالاپ ەتكەن. اتالعان فاكتى بويىنشا تەرگەۋ جۇرگىزىلىپ, ناتيجەسىندە ارىزدانۋشىنىڭ ءوزى قاماۋعا الىندى.
پوليتسيانىڭ مالىمەتىنشە, ءىستىڭ بارلىق ءمان-جايىن زەردەلەۋ كەزىندە تەرگەۋشى ارىزدانۋشىنىڭ ايعاقتارىنان بىرقاتار سايكەسسىزدىكتەردى انىقتاعان. جۇرگىزىلگەن ساراپتامالارلىڭ ناتيجەسى دە كۇماندى بولىپ شىقتى. بەلگىلى بولعانداي, ايەل ادامنىڭ تانىسى ونى جۇمىسقا تۇرعىزۋدان باس تارتقان. سول كەزدە ايەل ادام تانىسىنان كەك الۋ ماقساتىندا وعان جالعان ايىپ تاعۋدى ۇيعاردى.
«زورلاۋ فاكتىسى بويىنشا قىلمىستىق ءىس اقىرى جابىلىپ, ارىزدانۋشىنىڭ وزىنە قاتىستى قر قىلمىستىق كودەكسىنىڭ 419-بابى, ياعني قىلمىستى كورىنەۋ جالعان حابارلاۋ بويىنشا تەرگەۋ باستالىپ, ايىپتالۋشى قاماۋعا الىندى», دەدى قالالىق ءىىب باستىعىنىڭ ورىنباسارى شىڭعىس نۇراحىموۆ.
