ءاليحان سمايىلوۆ كاسىپورىن باسشىلىعىنىڭ نازارىن جۇمىسكەرلەردىڭ ءولىمى مەن جاراقاتتانۋىنا اكەپ سوقتىرىپ جاتقان ونەركاسىپتىك قاۋىپسىزدىكتى قامتاماسىز ەتۋ سالاسىنداعى ەلەۋلى كەمشىلىكتەرگە اۋداردى. سونداي-اق كومبيناتتىڭ ەكولوگياعا كەلتىرەتىن زاردابى تۋرالى جانە ءوندىرىستى جاڭعىرتۋعا باعىتتالاتىن ينۆەستيتسيالار كولەمىنىڭ جەتكىلىكسىز ەكەنىن ايتتى.
پرەمەر-مينيستر جاعدايدى تۇزەتۋ ءۇشىن تۇبەگەيلى شارالار قابىلداۋدى تالاپ ەتتى.
ءوز كەزەگىندە ۆيدجاي گويال «ارسەلورميتتال تەمىرتاۋ» اق جۇمىسشىلارىنىڭ ولىمىنە اكەلگەن جۋىرداعى توتەنشە جاعدايعا بايلانىستى وكىنىشىن ءبىلدىردى. ول جاعدايدى جەكە ءوزى قاراستىرىپ, تۇيتكىلدى ماسەلەلەردى شەشۋ ماقساتىندا قوسىمشا شارالار پاكەتىن ازىرلەۋ ءۇشىن قازاقستانعا ارنايى كەلگەنىن ايتتى.
كەزدەسۋ قورىتىندىسى بويىنشا پرەمەر-مينيستر كومپانيا مىندەتتەمەلەرىنىڭ ورىنداۋلى ۇكىمەتتىڭ ەرەكشە باقىلاۋىندا بولاتىنىن اتاپ ءوتتى.
