پىكىر • 28 قاراشا، 2022

ەڭبەك ادامىنا – ەرەكشە قۇرمەت

77 رەت كورسەتىلدى

مەملەكەت باسشىسى قاسىم-جومارت توقاەۆ ۇلىقتاۋ راسىمىندە ادىلەتتى قازاقستاندا ەڭبەك ادامىنا ەرەكشە قۇرمەت كورسەتىلەتىنى تۋرالى ايتتى. وتە ورىندى پىكىر.

كەشەگى كەڭەس زامانىندا ەڭبەك ادامىنا ەرەكشە قۇرمەت كور­سەتىلدى. قوعام بايلىعى قارا­­­پايىم قۇرىش قولدى ادام­دار­دىڭ ماڭداي تەرىمەن جينال­دى. زامانىندا كەڭشار، استىق قا­بىلداۋ كاسىپورنىنىڭ دي­رەك­تورى بولىپ قىزمەت ىستەپ جۇر­­گەن كەزىمىزدە الدى­نان جۇ­مىس ۇركىپ تۇراتىن ەڭبەك ادام­دارىنىڭ قاجىرلى، قاي­راتتى ءىسىن كورىپ سۇيسىنەتىن ەدىك. ۋاقىت­­پەن ساناس­پاي ەرەن ەڭبەك­تىڭ كو­رىگىن قىزدىرعان دالا ەر­لەرى اسىرەسە ناۋقاندىق جۇمىس كەزىن­­دە كۇندى تۇنگە، ءتۇندى كۇنگە ۇلاس­­تىرىپ، كىرپىك ىلمەي قارە­كەت ەتەتىن. وزاتتاردىڭ ەسەلى ەڭبەگى وزگە­لەرگە ۇلگى ەتىلەتىن. ولار­دىڭ سۋ­رەتتەرى قۇرمەت تاقتا­سىنا ءىلىنىپ، ارقيلى جارىستاردا جەڭىمپاز اتانىپ، ماقتاۋ ما­را­پاتتاۋعا يە بولدى. وسىنىڭ ءوزى ەڭ­بەك ادامدارىن توپتاستىرا ءتۇستى، جىگەرلەرىن جانىدى، كوكى­رەك­­تەرىنە ولشەۋسىز كۇش-قۋات قۇيدى.

ەل پرەزيدەنتىنىڭ ەڭبەك ادامدارىن باعالاۋ، قۇرمەتتەۋ تۋرالى لەبىزىن ەستىگەن كەزدە باس كوتەر­مەي جۇمىس ىستەگەن جاستىق شا­عىم كوز الدىمدا قىلاڭ بەردى. قازىر اۋىل شارۋاشىلىعى قۇرى­لىم­دارىندا مەحانيزاتور، كوم­با­ين­­شىلار جەتىسپەيدى. جۇمىس بەرۋ­شىلەر وزگە دە ماماندارعا ءزارۋ. وسىنىڭ بارلىعى – سوڭعى جىل­دارى قاراپايىم ەڭبەك ادا­مىن قادىرلەمەگەندىكتەن. سوندىقتان جاستار جاعى ەڭبەك ەتۋ­گە ق ۇلىقسىز. كەشەگى ءداستۇر ساباقت­استىعى ءۇزىلدى. وسى ءبىر ءتۇيىن­دى ماسەلەنى مەملەكەت باس­شى­سى وتە دۇرىس اڭعارىپ، قوعام­دى ولقىلىقتىڭ ورنىن تولتىرۋعا شاقى­رىپ وتىر. تۇپتەپ كەلگەندە، بۇل – ەلدىڭ وتە اۋقىمدى، ماڭىزدى شارۋاسى. جالپاق جۇرت­تى ىرگەلى ىستەرگە باعىتتاپ، كەڭ اۋقىمدى جۇمىستار ءىس تىندىرۋ ءۇشىن قوعامعا پايدالى كەز كەلگەن مامان­دىق يەسى قۇرمەتتەلۋى كەرەك.

 

امانگەلدى بەكقوجين،

ەڭبەك ارداگەرى

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار