«جاسىل» باستامالاردى قولداۋعا مۇددەلى

بۇل تۋرالى ۆەدومستۆو باس­­شىسى قازاقستان قارجى­گەر­لە­رىنىڭ ح كونگرەسى اياسىندا «ESG – قارجى نارىعىن دا­مى­تۋدىڭ جاڭا پاراديگماسى» اتتى حالىق­ارا­لىق كونفەرەنتسيا كە­زىندە ايتتى.

ء«بىز الەمدەگى ەڭ وزىق تاجى­ريبەلەردى قولدانۋعا تىرىستىق. جا­قىن ارادا ەشكىم كومىرتەگى بەيتاراپتىعىنا تولىق قول جەت­كىزە المايتىنى انىق. سون­دىقتان بىرتىندەپ ءوتۋ جولىن تاڭ­دادىق. ءبىز مىڭداعان ادامنىڭ جۇ­مىس ورىندارىنان ايىرىلۋى­نا، ال كەيبىر قالالاردا كاسىپ­ورىن­داردىڭ جابىلۋىنا جول بەرە المايمىز»، دەدى مينيستر.

ونىڭ ايتۋىنشا، بولاشاقتا قازاقستاننىڭ 2060 جىلعا دەيىنگى كومىرتەگى بەيتاراپتىعىنا قول جەت­كىزۋ ستراتەگياسى جاڭا تەحنو­لوگيالىق شەشىمدەردى ەسكەرە وتىرىپ تۇزەتىلۋى مۇمكىن. نەگىزگى پرين­تسيپتەر وزگەرىسسىز قالادى. ولار – جۇيەلىلىك، تەپە-تەڭدىك، ماق­ساتقا جەتۋ.

«قازىردىڭ وزىندە قازاقستاندا ەنەرگەتيكا سالاسىنا ينۆەستيتسيا­لار بەلسەندى تارتىلىپ جاتىر. بو­لاشاقتا بىزدە سۋتەگى ەنەرگياسىن وندىرەتىن زاۋىت سالىنادى، بۇل – زاماناۋي تەحنولوگيالار. سونداي-اق دەكاربونيزاتسيا جو­لىندا اتوم ەنەرگياسى مەن گازدى دا ۇمىتپاۋىمىز كەرەك. بۇل دا تران­زيتتىك كوزدەرى بولىپ سانا­لا­دى»، دەپ تولىقتىردى ءا.قۋان­تىروۆ.

پرەزيدەنت جاريالاعان ء«تا­ريفتى ينۆەستيتسياعا ايىرباس­تاۋ» باعدارلاماسى – ۇكىمەتتىڭ وسى باعىتتاعى نەگىزگى ساياساتى. مى­سالى، كوممۋنالدىق كا­سىپ­و­رىن­داردا وندىرىستەردى جاڭ­­عىرتۋ، جىلۋ ەلەكتر ستانسالا­رىن كومىر­دەن گازعا كوشىرۋ. بۇل جۇ­مىس الەۋمەتتىك جانە ەكونو­مي­­كالىق اس­پەكتىلەردى ەسكەرە وتى­­رىپ، بىر­تىندەپ جۇرگىزىلەتىن بولادى.

«كليماتتىق كۇن ءتارتىبىن دا­­­­مىتۋ ىسىندە بىرگە بولۋىمىز كەرەك. بۇل ەلىمىزگە عانا قاتىس­تى ەمەس. ويتكەنى ەكولوگيا ماسە­لە­سىن­دە گەوگرافيالىق جانە سايا­سي شە­كارالار جوق. سون­دىقتان جا­ھاندىق قوعام مەن ءار ەلدەگى جۇرتشىلىق ۇيلە­سىمدى ارەكەت ەتۋگە ءتيىس»، دەپ قورى­تىن­دىلادى ۇلتتىق ەكونوميكا مينيستر­لى­گىنىڭ باسشىسى.