تەاتر • 28 قاراشا، 2022

بالاۋسا كورەرمەنگە تارتۋ

54 رەت كورسەتىلدى

ەرتەگى دەسە ەلەڭ ەتەر كورەر­مەندى جەلتوقساننىڭ 4، 9، 10 جانە 11-ءى كۇندەرى «استانا بالەت» تەاترىندا «قار پاتشايىمى» بالەتىنىڭ پرەمەراسى كۇتەدى. دانيالىق جازۋشى گانس حريستيان اندەر­سەن ەرتەگىسىنىڭ جەلىسىمەن قويىلاتىن سپەكتاكلدىڭ رەجيس­سەرى – رەسەيدىڭ ەڭبەك سىڭىرگەن ونەر قايراتكەرى، تاتار­ستان رەسپۋبليكاسىنىڭ حالىق ءارتىسى گەورگي كوۆتۋن. سپەك­تاكل ماەسترو ارمان ورازعاليەۆتىڭ جەتەكشىلىگىندەگى سيم­فونيالىق وركەستردىڭ سۇيەمەلدەۋىمەن وتەدى.

مادەنيەت جانە سپورت مينيستر­لىگىنىڭ قولداۋىمەن كو­رەرمەنىن قۋانتار قويىلىمدا كومپوزيتور راديك ساليموۆ، كوستيۋم سۋرەتشىسى ءارى سۋرەتشى-ستسەنوگراف زلاتا تسيرتسەنس، جا­رىق سۋرەتشىسى الەكسەي مار­كوۆ جانە «استانا بالەت» ارتىس­تەرىنىڭ جارقىن ونەرىن تاما­شالاۋعا بولادى. بي ونەرىنىڭ قۇدىرەتىمەن ساحنادا بالا كەزدەن تانىس بەينەلەرگە جان بىتەدى. انتۋراجى وزگە قالىپتا بول­عانىمەن، ولاردى تانۋ قي­ىن ەمەس. بالەتتە ەرتەگى كەيىپكەرلەرى جاڭا قىرىنان تانىلىپ، ساحنادا مۋزىكا، قيمىل، سان الۋان تىڭ بوياۋلاردىڭ ۇيلە­سىمىنەن تۋعان عاجايىپ الەمگە تاپ بولاتىنىڭىز انىق.

– قازىرگى بالالار قورشاعان ورتانى جىلدام قابىلداپ، بويىنا سىڭىرەدى. ەرەسەكتەردىڭ مىندەتى – وسى الەمنىڭ اسەم تۇس­تارىن كورسەتۋ. مەنىڭ ويىمشا، ەرتەگى – ءومىردىڭ سول تاڭعا­جايىپ­تارىن تانۋ جولىنداعى العاشقى ساتى. ءوز باسىم عا­جايىپ الەمدى ەلەستەتەمىن. مۇن­دا جاقسىلىق ز ۇلىمدىقتى جە­ڭىپ، ادىلدىك سالتانات قۇرادى. ال ادام بالاسىنىڭ بويىنداعى ءناپسىسى تىيىلىپ، اقىرى تۋرا جولعا قادام باسىپ، الەم شەكسىز ماحاببات شاپاعاتىنا بولەنەدى. مەنىڭ جاڭا ەرتەگىم وسى جايلى»، دەگەن رەجيسسەر گەورگي كوۆتۋننىڭ ويىن تەاتر ءارتىسى ايدىن قالجان شابىتتانا جالعادى: – بۇل قويىلىمدا، جاقىنىنا الاڭداعان كەيىپ­كەردىڭ كۇيزەلىسى عالامات ءسان-سال­تاناتقا ۇلاسىپ جاتادى. سەن دە بالەت كەيىپكەرلەرىمەن بىرگە بالا كەزدەن تانىس ەرتەگىنى ءوز باسىڭنان وتكىزگەندەي كۇي كەشەسىڭ. مەنىڭشە، بۇل بالەت ەرەسەكتەرگە دە، بالالارعا دا اسەر ەتىپ، قىستىڭ سۇرەڭسىز تىر­شىلىگىنە ءبىر ساۋلە تۇسىرەدى. عاجايىپ مۋزىكا، اسەم كوستيۋم­دەر مەن عالامات دەكوراتسيالار بالالارعا تۇسىنىكتى تىلدە ماڭگىلىك ادامي قۇندىلىقتار جايلى بايانداپ بەرەدى.

ءيا، بي ءتىلى قۇدىرەتىنىڭ ار­قاسىندا بالا كەزدەن تانىس قار پاتشايىمى مەن گەردا تۋرالى ەرتەگىگە جان ءبىتىپ، ءوزىنىڭ شەكسىز ماحابباتى ارقىلى با­ۋىرىنىڭ مۇز باسقان جۇرەگىن ءجىبىتىپ، قار پاتشايىمىنىڭ ارباۋىنان اراشالاپ قالعان قايسار قىز ومىرىنەن سىر شەرتەر قويىلىمنىڭ كورەرمەنىنە سىيلار كەرەمەت اسەرىمەن قا­تار، بەرەر تاعىلىمى دا مول. سپەك­تاكلدە تەاترسۇيەر قاۋىم جاقسىلىق ز ۇلىمدىقتى جەڭىپ، شىنايى ماحاببات بار جەردە ءاردايىم ادىلدىكتىڭ ۇستەمدىك قۇراتىنىنا كوز جەتكىزەدى.

«قار پاتشايىمى» – كۇللى وتباسىمەن بىرگە تاماشالايتىن، ءار ساحناسى قىزىقتى رە­جيس­سەر­لىك جانە كوركەم شە­شىم­­دەرگە باي قويىلىم. قي­يال-عاجايىپ حي­كايانىڭ جۇ­رەكتى ەلىتىپ اكەتەر اتموسفەراسى اسەم كوستيۋم ءارى ۇت­قىر دەكوراتسيالارمەن ءساتتى ۇيلە­سىپ، كورەرمەن قاۋىمدى ناعىز ەرتە­گىلەر ەلىنىڭ سيقىر مەن قيال الە­مىنە ەلىتىپ اكەتەرى ءسوزسىز.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار